五個原因告訴你：為什麼要買OTG USB手指 有冇聽過OTG USB手指呢？如果冇聽過可能就OUT了，就似住台北但唔知Ubike要收錢，或是係上海唔知東方明珠塔，甚至唔知香港荔園會捲土重來一樣嚴重！OTG USB手指係近年比舊式USB更方便既新產品，一邊係microUSB，另一邊係電腦USB頭，咁既設計有咩好？拎黎做公司贈品會唔會唔抵呢？ 唔洗拆黎拆去，即插即用 依家智慧型電話要加額外容量仲係要拆底殻再放micro USB卡，但OTG USB手指就可以直接插出面儲存臨時要用既資料同相。 2 唔洗WIFI、4G都可以過資料 有時候我們地貪方便，用雲端方式分享資料，但Wifi再普遍、4G再犀利都係會有收唔到既時候！OTG USB手指就可以解決臨時要過資料但又冇網既困境。 3 唔驚對方電話空間不足 即使你自己部機夠位，但你個客、同學、親朋好友，有可能會將電話既容塞爆！係對方要即時過檔案既時候，你就可以將電話既資料save低，將OTG USB手指比對方就得啦。所以如果用OTG USB手指當企業禮品，客人實會覺得公司貼心。 4 冇「收不到」既藉口 有試過發生以下既情況呢？明明死線就到，同同儕係出面傾完要佢盡快整理既時候，佢就係截止前幾個鐘話你知：「我冇收到喎。」呢一刻真係火都黎。而OTG USB手指既好處就係：即使你係出面，都可以確定對方收到！ 5 根本唔洗「send」！ 依家既電話影相功能拍得住數碼相機，所以係出面想用電話影好多相send比人，其實係影之前就插好OTG USB手指，設定儲存空間之後，影完既相就會直接save係OTG USB手指度啦！只要將隻OTG USB手指比對方就搞掂。 掌握OTG USB手指既優點未呢？除左買黎自用，公司物色企業禮品既時候，都可以考慮訂造公司OTG USB手指，唔只岩個客用，仲可以提升公司形象！
