開晚市堂食必定要去食好西😝位於銅鑼灣嘅鮨極 omakase做緊二人同行一人半價，即去食番餐好嘅😋點擊圖片放大 +2 睇前菜就已經知冇去錯地方，好精緻！沖繩水雲口感爽口，有啲似海帶~ 紅酒萹頭口感酸酸地帶微甜，好開胃！ 食完前菜，就到Sashimi!! 真心推薦呢間餐廳嘅sashimi, 極為新鮮~鲂鮄魚薄切就睇到師傅嘅手功，肉質鮮甜爽口，配柚子汁，咸香中帶鮮😝赤身更係色澤鮮艷，口感實而有咬口☺ 而另一碟比較特別有齊3 款口味嘅平鯛魚，由淡至濃味咁食 ，最後個款係 北海道紋甲魷魚師傅切好一條條，口感爽口彈牙，唔配醬油食出鮮味😋 作為生蠔愛好者，最推薦係呢間岩手珍蠔，勁大隻！！味道鮮甜而多汁，食落滿滿海水鮮味！好想食多2隻！ 另一款，磯煮鮑魚一片片砌曬， 醬油同昆布慢火煮，好入味，但鮑魚仍保持爽口彈牙！點擊圖片放大 +6 之後到壽司同魚子海膽飯，海膽實在「邪惡」，鮮甜味濃，個飯的的骰骰，打卡一流！壽司師傅都係精心設計，由淡到濃，逐件逐件咁上。第一件比較特別的是愛侶魚，香港一般比較少食，味道更淡，所以師傅配辣羅白，食落口感同味道較配~之後池魚油脂非常厚，質感爽脆，配蔥花、 薑蓉食落都幾特別，透著淡淡嘅鮮甜😋金目鯛，愈大條油分愈甘香。最深刻係海池魚王是以清、甜、爽， 師傅會柚子胡椒去除油膩，入口味更清甜😝 食完壽司就到魚湯同師傅自家製嘅玉子燒，湯嘅温度剛好，魚湯有魚鮮味，但絕唔腥，清清地，而玉子燒細細粒食落鬆鬆軟軟，蛋香味足！ 最後，甜品係cheese cake，芝味濃而唔太膩，作為呢餐完結，好完美！@sushi.kiwami極鮨🌟銅鑼灣澳門逸園中心10樓
