Espresso Alchemy 分店愈開愈多，行街行到攰真係好岩嚟醫吓肚仔😆喺美麗華低層，餐廳唔算好大，裝修以木調為主配柔和燈光，令人舒適~點擊圖片放大 嚟呢間cafe 唔可以錯過佢哋嘅咖啡，要咗杯cafe Mocha 濃郁朱古力融合奶香咖啡，唔會苦澀~先有白濃甜甜嘅朱古力味，再滲出咖啡香，口感絲滑令人舒心~另一杯就叫咗milk chocolate，奶香而朱古力夠濃，甜度剛好，最岩依家咁凍嘅天氣！ 咖啡白朱古力西多士真係每次嚟都必食，外層麵包輕輕烘過，帶少許香脆，再配朱古力、咖啡醬，淡淡香甜帶出濃濃咖啡香 另一款就叫咗青醬烤雞芝士意大利三文治，外層烘至微焦，入面足料豐富，九層塔嘅味唔太濃，反而有種清新嘅味道搭濃濃半溶芝士，而雞口感軟嫩，外脆內軟！ 主食要咗個厚切意大利煙肉卡邦尼意粉，煙肉一條條厚切，味道唔太咸而卡邦尼好creamy, 但唔油膩~ 甜品係新出嘅生酮朱古力布朗尼忌廉卷，外層軟熟 ,cream 內有啲nuts, 口感豐富😝最重要係食完都唔怕肥！Espresso Alchemy🌟尖沙咀彌敦道132號美麗華商場B1層B116號舖
