柯士甸食嘢其實唔係淨係得海港城， 呢間日本北海道札幌人氣居酒屋渟吟喺柯士甸站出閘大約行五分鐘就到啦~點擊圖片放大 成間餐廳以傳統日式木系裝修為主，好似去咗日本咁~餐廳亦有香港居酒屋食唔到嘅菜式例如鹿肉漢堡扒、日本黑毛和牛內臟、特式清酒等.....店員就介紹咗特式菜，都叫咗嚟試下~ ✨ 軟綿蝦夷鹿肉漢堡兩食揀咗味噌燒茄子味會味道較為濃郁，到底鹿肉係咩味呢？ 口感較軟嫩，質地滑溜~而個汁較濃，如果鐘意清嘅朋友可揀另一款 ✨ 土手味噌煮日本黑毛和牛內臟平時食開嘅牛雜？ 但味道較清新乾淨，可以食到牛味，味噌好入味，口感軟腍 ✨稚鰺魚唐揚係openrice見到就好想食，炸魚仔配魚一流，當小吃又得，香脆而不油膩，同朋友邊食邊講 就曬啦~😂 ✨渟吟壽司拼盤 睇餐擺左揀右揀，件件壽司都好想食，所以決定嗌壽司拼盤，唔使煩！一盤有十件，件件都係壽司必食款， 壽司非常新鮮😜當中吞拿魚最正，嫩滑而入口即溶！ ✨串燒揀咗3 款，雞翼、雞軟骨、蘆荀，雞翼外香內軟滑，火喉剛好~雞軟骨爽脆香口，配酒會更好~蘆荀軟粗身，口感爽口 食完仲送上甜品， 作呢餐完美嘅完結！淳吟居酒屋🌟佐敦文英街33號地舖
