工廈餐廳？嚟到觀塘揾美食，真係要捐窿捐罅~ 今次比我發現係鴻圖道工廈入面有間高質意大利餐廳，餐廳門口並不起眼與餐廳入面產生強大對比 餐廳成5 千尺，座位寬闊而舒適，桌與桌之間有闊嘅距離，私隱度高，同朋友把酒言歡都唔怕😆 裝修非常優雅， 嚟呢間餐廳除咗食美食，享受環境都係好重要！ ✨$1 辣茄汁煮青口/白酒煮蜆逢星期一至三惠顧晚餐就可以$1 享有辣茄汁煮青口或白酒煮蜆，當然要試！！ 雖然係$1， 但餐廳都唔吝嗇，份量都幾多，微微酒香配香濃蒜香，蜆唔隻大隻，味道鮮甜，值得一試！ ✨ 蒜香牛油雞翼份量極多，應該有十幾隻，蒜味香濃，外層炸到金黃色，香脆內嫩，必點！ ✨ 鮮蜆意大利扁麵推薦！愛蜆人士，食完$1 蜆唔夠，仲要再食鮮蜆意大利扁麵！雖然2 款都係煮蜆，但呢款除蒜香仲有少許微辣 扁麵掛汁力強，口感厚實而彈牙 ✨煙三文魚薄餅推薦！半溶芝士極多，拉絲力強，打卡一流！煙三文魚口感軟滑，微微煙燻香味，半溶芝士加薄餅，口感層次豐富，香脆軟滑 意粉同薄餅分別加$48 配餐湯及餐飲/$108 多配甜品及沙律套餐！餐廳整體令人舒適，食物質素高，除咗享受食物，餐廳環境都係高質享受😆Non kichen 🌟觀塘鴻圖道12精棉工業大廈1樓
