紅磡、土瓜灣多美食就係人都知,以前係呢頭返學食過唔少地道小食,今次係土瓜灣揾到呢間東亞南風味x港式風味嘅車仔麵店😜超抵食車仔麵 $39 有3 個餸仲可以自選湯底同醬汁😆 ✨抵食車仔麵 $39 3餸車仔麵除咗一般麵底米粉、河粉、油麵等,仲可以揀銀針粉同腸粉撈!湯底真係要推薦麻辣湯配沙嗲醬,湯底可以做到麻中帶辣,平時食麻辣最怕好多辣油,反觀呢碗唔太多油,唔會好肥膩! 配銀針粉剛好,口感爽彈,而且每匙都啖啖麻辣湯~配餸方面,肥牛肥瘦均勻,入口嫩綿,但反而雞腎份量多,但比較大件,我就比較鐘意食薄片,會更入味 另外,就試撈腸粉配香辣汁😜車仔麵食得多但車仔撈腸粉就小見,香辣汁不太辣又唔嗆帶咸香,豬紅入味滑而有口感 配韭菜餃但配撈味道就弱啲,餃子配湯應該更好 ✨椒鹽燒賣除咗普通燒賣,仲有食椒鹽燒賣!推薦!必叫!椒鹽燒賣炸得香脆十足,外脆內軟,口感非常滿意 ✨泰式醉雞翼碎雞翼真係十分入味,入口濃濃酒香,雞翼保持嫩而滑,都值得一食! ✨麻辣雞翼尖本以為同時麻辣應該跟車仔麵嘅湯底味差唔多,但原來呢個麻辣又唔同,餐廳真係製作認真!雞翼尖食落辣同麻更濃, 食完連咀唇都發麻,真係好過癮!喜滿樓車仔麵🌟土瓜灣馬頭圍道292號華安閣地下A號