阿閒泰本以為喺一間普通泰國菜,原來係間泰西fusion菜😆以西式方法烹調結合泰國食材,令人對泰國有重新認識嘅感覺! 餐廳單係裝修已經好浪漫~柔柔嘅燈光以白色為主打色,配合西式田園風,非常高雅,IG able!Menu 選擇都唔少,有漢堡、意粉、飯等,多人聚會都唔怕~總有款啱! ✨阿閒泰冬陰公湯新鮮金邊粉金邊粉係採用泰國空運直送嘅手造金邊粉,口感絕對係泰國嘅味道~份量都幾多、幾足料 有2 隻大蝦,而且多膏,冬陰公湯底比平時食開唔一樣,椰奶同青檸都係另上,因為應自己需要添加,湯底較酸,反而辣不足 ✨泰式咸蛋黃醬卡邦尼意大利粉咸蛋黃醬同卡邦尼都可以一齊?! 份量剛好,意大利粉每條都掛汁,口感有蛋黃沙~帶微微蛋黃香,整體味道較淡 ✨香茅豬肉米紙卷咬開煙煙靭靭嘅米紙卷,入面香茅味濃,豬肉嫩滑而且份量多,唯一就係一碟只得3 件😆 ✨脆皮豬頸肉推薦!呢款同平時食開嘅豬頸肉唔同,係慢煮厚切脆皮豬頸肉,保持肉質鮮嫩,但外皮香脆,食落外脆內嫩,味道仲有少許烤味,非常惹味! 阿閒泰🌟尖沙咀河內道18號K11購物藝術館2樓219號舖