長沙灣元洲街呢帶愈開愈多美食,今次去試下呢間味道樂居酒屋😆 成間餐廳裝修好中古日風居酒屋,座位唔多,所以想嚟最好預訂位! 基本上大部份日式餐廳嘅食物都有,有串燒、刺身、壽司等,依家仲搞緊芫茜系列😆芫茜愛好者記得嚟試~點擊圖片放大 ✨野菜牛肉湯烏冬烏冬愛好者,點會錯過!烏冬份量真係超多,1 個人食真係好飽!湯底係令人熟悉嘅日式味湯底,而牛肉油脂分佈平均、嫩滑 ✨美國牛柳粒溏心蛋石鍋飯美國牛柳粒香煎過,香口而味道爽口嫩滑, 肉質細嫩入口鬆化,石鍋飯因為有飯汁,即使係石鍋上都唔會好乾身同有飯焦~ ✨芝士吉列海虎蝦卷上面有塊微微火炙過嘅芝士,入面吉列蝦非常香脆與外卷松軟嘅飯做成對比,外軟內脆,不過如果火炙芝士可以製成半溶效果會勁佳 ✨壽司因為已經有蝦卷,所以只單點2,3款平時鐘意食嘅壽司三文魚腩真係非常肥美同新鮮,而芥末八爪魚壽司個紫菜非常香脆,咬開芥末香滲出,唔會太攻鼻,味道幾好味道樂居酒屋🌟 長沙灣長沙灣元州街498號青華閣地下C舖