邊爐愛好者真係不分四季都可以打邊爐😆朋友介紹嚟到呢間位於佐敦廟街嘅打邊爐~無錯!店名真係叫『打邊爐』 佐敦地鐵一出行幾分鐘就到,成條街都係隱世美食 入到餐廳,成間裝修係中國風,非常優雅 ✨ 藥膳醉雞鍋店員上鍋後,煮熱個湯底再放醉雞落去 醉雞真係好新鮮,個湯底香濃藥膳味帶甜,忍唔住飲咗幾碗真係~碎雞嫩滑而且有少少酒香再吸收湯底嘅藥膳,真係好正! ✨ 墨魚滑油炸鬼打邊爐前食啲熟食先,墨魚滑油炸鬼應該係呢間餐廳嘅招牌之一!油炸鬼本身香脆而唔油膩,再釀入墨魚滑,外脆而內彈牙,一份2-4人食都夠😆 ✨ 手切霜降安格斯肥牛打邊爐必食當然係肥牛!外表粉紅色澤,油花分佈均勻,放鍋幾十秒食得,牛味香濃帶肉汁口感軟嫩😆份量2個人夠食 ✨ 肥美番薯大蜆相對花甲 ,沙蜆~番薯大蜆味道較淡,但配呢個藥膳湯底打邊爐食到大蜆肥美多汁,非常新鮮! ✨ 鮮鵝腸 餐廳提供在一個小網漏,就唔怕鵝腸放窩後唔見~打邊爐差唔多次次都會叫鵝腸,鐘意佢夠鮮爽嬌嫩食落完全唔韌,但掛汁能力較弱,都係要沾調味 ✨ xo醬鮑魚蝦餃皇 蝦餃皇就食得多,但係用嚟打邊爐就比較少見而且仲要係 鮑魚蝦餃皇 😂 餡料非常飽滿,皮薄,食落爽口彈牙,但xo 醬就唔太食得出,整體都幾特別! ✨ 皇帝瑤柱墨魚丸墨魚丸本身爽口彈牙, 加添瑤柱,更覺鮮甜味美同普通墨魚丸係唔同😆 ✨ 手唧黑松露蟹籽魚麵平時打邊爐一定配麵類,一般都係食烏冬、公仔麵等但呢間係有魚麵,仲要係手唧!真落黑松露味非常濃, 蟹籽增加了咗口感,真係爽卜卜,由卡黑松露味太濃,反而少咗啲魚香 ✨ 飲品全係自家製,今次叫咗香茅檸檬薏米水、竹蔗茅根味道完全唔甜,好足料,檸檬薏米畀咗粗筒,仲可以食埋啲渣, 而竹蔗茅根竹蔗味非常香甜打邊爐🌟佐敦廟街 286-298號華志大廈地下A號舖