一大片落地玻璃,入面座位以粉紅色咖啡杯製成 感覺好似去咗愛麗斯夢遊仙鏡,當然要入去打卡影吓相😜 整間餐廳裝修以童話風為主,內有天鵝、 摩天輪 擺設,完全激發我嘅少女心😜 🦢 芝士肉醬意粉份量非常多,平時食嘅嘅肉醬意粉都比較乾身 呢間餐廳係多汁,而且係用幼身嘅天使麵,掛汁能力更強~味道番茄味非常濃,酸中帶鮮甜,非常開胃 🦢 手作經典和牛漢堡漢堡一睇就知好足料,一口係絕對食唔曬😆 和牛同芝士完美邪惡嘅組合,和牛厚實,咬開鬆軟嫩滑,與爽口蕃茄造成對比,口感層次豐富!2個人食都夠~ 🦢 玫瑰泡沫咖啡叫得咖啡灣,點可錯過佢哋嘅咖啡😜餐廳採用Arabica咖啡豆,入口玫瑰香散開,再慢慢滲出咖啡香,但整體就甜咗小小 🦢I am Pink Lee食飽飽當然食埋甜品😜窩夫加$20升級麻薯入面麻薯份量剛好,窩夫香脆而內裏煙煙靭靭,口感有啲似雞蛋仔,雪糕採用比利時雪糕,奶味香濃,為成個午餐作完美句號 咖啡灣-荃灣 🌟荃灣眾安街68號荃灣千色匯II期地下G30-G33號舖