專食豬嘅居酒屋？😆作為食肉獸當然是無肉不歡~ 係尖沙咀有間居酒屋Mokumoku Yakiton係專食豬🐖即約埋酒肉朋友上去邊食邊飲😜 一入去同日本居酒屋差唔多，一個長刺身吧檯，可以睇住師傅處理食材~ 🐖前菜 蕃茄蒜子沙律新鮮蕃茄配和風醋同甘甜生蒜，味道微酸帶清甜清新，食慾大開！ 🐖粒貝刺身推薦！見到隔離檯推介，當然要試！擺盤有好大隻海螺，打卡一流~刺身每片大小適中，口感爽脆彈牙，鮮味十足😜 🐖喜之次聽到餐廳有喜之次~ 咁珍貴魚王又點可以錯過係日本居酒屋必食鹽燒喜之次下酒，竟然係香港都可以再食到， 真係可遇不可求！師傅火喉控制剛好，魚肉多而肥美，口感鮮嫩 🐖天下第一刀被譽為豚中皇者，口感爽口香滑，夠肉味，外層微微香脆，食吓一件又一件，送酒非常和美！ 🐖 月見免治豚肉串自家製免治豚肉串，配生雞蛋，食落有燒汁香，免治豚食落唔鬆散，肉味香濃 🐖上等豬脷串牛脷就食得多，豬脷就比較小，豬脷幾厚，肉質堅實口感鮮嫩有嚼勁🐖豬心串店員就教我哋加柚子胡椒、檸檬汁食味道更佳！無諗過豬心原來咁好食，口感結實帶點脆度，配醬汁味道酸酸甜甜帶胡椒香，真係唔錯！ 🐖 厚切白金豚肉推薦🌟值得一試嘅岩手縣穀飼白甘豚製成嘅厚切白金豚肉，堪稱極品豚肉，出名在於油脂分佈細緻，食落柔軟肉味濃厚，入口即溶 🐖豚肉荔枝卷推薦🌟必食😆外層薄切豚肉包住大大粒飽滿嘅荔枝，咬開外層豚肉後，荔枝就係個口內爆開，鮮甜多汁，真係令人回味！係居酒屋食串燒又點少得飲返2杯🍷 🍷京姬蘋果酒女士門嘅至愛，飲落蘋果味重，甜中帶酒香，酒嘅濃度較低，可以飲多幾杯🍷homemade fruit shocho - copy飲完蘋果酒後，店員就介紹佢哋自家製嘅菠蘿酒夏天必飲，第一口嚐到菠蘿嘅酸甜清新，但慢慢就滲出酒嘅濃香，酒味較重，值得一試！Mokumoku Yakiton✨尖沙咀厚福街12號藍馬商業大廈16樓
