有老字號之稱嘅雪山冰室，係1956已經開店餐廳保留香港傳統冰室嘅港式美食同時又不時更新新穎菜式，不論年紀都岩食😆菜式選擇多，價錢平民，深得大家歡迎，有時都要排隊等入座😜 下午茶大約$30 就有特式下午茶餐，而下午茶粉麵就$42， 份量同正餐一樣咁大份 🌠 魔鬼吉列豬扒漢堡包一直好奇咩係魔鬼，原來係魔鬼辣😜吉列豬炸到金黃色，香脆而不油，成隻手咁大塊，夾係鬆軟嘅漢堡入面，吉列豬加入wasabi，口感豐富！ 🌠咸蛋黃雞中翼一份4隻，炸過嘅雞翼香脆可口，每隻都沽滿咸蛋黃，食落啖啖咸香，雞翼夠脆夠juicy 🌠秘製麻酸辣魚片嫩雞湯米線推薦！無諗過茶餐廳製麻辣米線都咁出色~米線湯底集麻、辣、酸，令人舌頭一痺嘅刺激外，同時有醒神麻香味！米線掛湯，口感爽口彈牙 🌠傳統乾炒牛河嚟茶餐廳當然要食返啲夠鑊氣嘅傳統炒粉啦~上檯已經聞到好香，河粉色澤油潤，牛肉嫩焦帶香雖然話乾炒牛河話會好肥好油，但呢間反而唔太油，食曬成碟都唔膩而晚餐除咗小菜， 亦有酸菜魚、龍蝦湯飯等選擇今次就試咗波士頓龍蝦海鮮焗飯 🌠 波士頓龍蝦海鮮焗飯茶餐廳都有龍蝦食😜龍蝦有半隻，而且焗飯都好足料：青口、魷魚、蟹柳等，而且飯底炒過先焗，食落非常香口 🌠燉湯-淮山牛蒡燉赤肉推薦！想飲老火湯，見到唔少客人都有叫，就叫咗2個燉湯，味道非常鮮甜，飲到湯底見到好足料！ 雪山冰室✨深水埗分店深水埗青山道62D號地舖
