近年大家愈嚟愈注重養生，旺角Moko有間香港品牌-好茶養生 「Hocha. Elite」主打養生茶及方便茶包😄 茶類分中式養生茶、銀耳露、特飲同泡泡系列 🌠皇牌血氣茶一杯好足料，入面有桂圓、紅棗、千日紅、康仙花、冰糖、金盞菊等，飲落淡淡玫瑰同菊花味，花香味重，仲帶有紅棗同冰糖嘅清甜😜而且功用仲可以補血補氣、理氣散瘀、調節內分泌、暖宮驅寒！最岩手腳冰冷嘅我，飲完成個人暖曬，作為女性唔補下點得😄🌠 紅棗枸杞銀菊露紅棗同杞子都好足料，而且入面都幾多雪耳紅棗味好較重，而且飲落有甜香，最岩呢排食多咗熱氣嘢嘅我，又怕飲苦涼茶！呢款最岩我，飲落清甜又可以清肺、肝實熱嘅功用，仲可以養顏保滋陰~ 🌠玫瑰荔枝慕絲一睇外形已經好吸引，可以選擇心形或玫瑰形😜 打卡一流~玫瑰同荔枝嘅配搭幾吸引，味道有淡淡荔枝嘅香味，隱隱聞到玫瑰花香，食落幾清新，口感似奶酪😏一啖養生茶一啖甜品，個人好放鬆~ 🌠 紅莓慕絲蛋糕個樣都幾得意，水滴形配扭紋花，設計獨特切開中心有紅莓啫喱，底層有個餅底紅莓啫喱酸甜軟滑，幾開胃~慕絲入口輕型，再配脆脆嘅餅底，口感豐富，食落先軟後脆😆 如果想買啲養生茶返屋飲，都可以選擇佢地嘅茶包😜養生可以隨時隨地啦~
