尋找打卡好去處🌟今次係灣仔汕頭街嘅Mansons Lot Cafe位於汕頭街盡頭，感覺低調，但原來呢間cafe絕不簡單！ 餐廳採用澳洲風格嘅裝修，日間客人可以享受繁華鬧市中嘅寧靜，慢慢細味呢間cafe嘅咖啡，但入夜cafe 搖身一變變成酒吧餐廳 Mansons Lot 主打特色濃縮咖啡，曾獲譽為澳洲最佳濃縮咖啡，而餐廳亦會與不同手作導師合作開設不同類型Workshop包括插花，咖啡班及art jam等 🌠Egg Benedict Classic 作為今日第一餐，當然要選早餐最-Benedict! 一咬落去好濃嘅芝士味，原來係benedict上 佈滿嘅唔係蛋醬而係芝士！慢慢就滲出濃濃蛋香，蛋白口感好creamy，水波蛋飽滿，戳一下~"噗”一聲蛋黃就流出嚟😆好治癒！ 點擊圖片放大 🌠soft-shell Crab Ciabatta 軟殼蟹拖鞋包？個名就好得意，但味道就好有驚喜！推薦🌟Ciabatta 微微嘅焦香味，高溫烤後外殼更有吸引力，口感外脆帶點硬，入面嘅軟殼蟹外脆內軟同ciabatta做成對比，食落更有層次！ 🌠Rose latte 作為Rose latte嘅愛好者，去呢間餐廳當然要點rose latte! 飲落第一層味道嘅玫瑰味好重，慢慢就浸出濃濃咖啡味😆係暫時飲過玫瑰同咖啡香都協調得最好嘅rose latte! 🌠Mocha 本身唔鐘意咖啡帶酸又微苦味道嘅人，呢杯Mocha就最岩！咖啡味道不濃，相反更重朱古力的味道，香醇濃郁！係咁凍嘅天氣就最岩一杯熱Mocha😆 Mansons Lot🌟 灣仔汕頭街15號地下
