由新加坡文華大酒店嘅國際知名過江龍傳奇海南雞餐廳品牌Chatterbox於去年係香港開Chatterbox Café, 已經引嚟熱話，今次終於比我去到太古城開嘅Chatterbox Express😆 一入店，整個裝修摩登舒適，令人好舒服因為疫情，餐廳都做好防疫措施！ 🌠星洲海鮮炒貴刁 一上菜已經好香， 鑊氣好夠~每條貴刁都沾曬醬油，好上色，果然做到色、香、味俱全！貴刁上放滿銀魚仔，令到成碟貴刁食落好香魚鮮味，而鮮蝦夠大隻，肉質鮮甜~算足料！🌠 新加坡肉醬撈米線配溫泉蛋 呢款係餐單上有辣椒係旁邊，食落無乜辣味，怕辣既朋友都可以食！米線質感做得好好，食落非常彈牙！肉醬製法有啲似肉燥， 肉醬香濃惹味😄 溫泉蛋、肉醬同米線撈勻，令到每一啖都有肉醬嘅香味同溫泉蛋漿，真係好正😜🌠 蒜茸炒小棠菜 精選套餐加$15 就有，小棠菜一睇就新鮮，濃濃嘅蒜香味😜 必點！🌠 鹹蛋黃雞翼 推薦! 呢款真係好有驚喜！一碟 四隻雞全翼都沾上陣陣鹹香嘅鹹蛋黃沙，食落真係有啖啖鹹蛋黃粒， 雞翼香脆得嚟唔油膩，而且雞肉非常嫩滑！嚟呢到食嘢嘅朋友一定要叫😜🌠 雞肉沙爹 一碟四串， 外表燒成金黃色，雖然燒完但雞肉保持嫩滑，沾上沙嗲醬，非常惹味 ! 不知不覺食完😏🌠 美祿恐龍 見天氣涼涼地叫杯熱美祿保暖， 美祿非常夠味，最岩鐘意飲甜嘢嘅我😆飲完成個人暖曬Chatterbox Express: ✨太古太古城建安閣地下G515號舖
