hello大家好,博主小桃係一位對淘寶已經走火入魔既人,平時得閒冇事都會上下去睇下有咩平野,因為實在太-吸-引!! 終於決定開個blog同大家分享每次買左d咩,大家交流下~ 因為早排要去interview,所以為買suit而頭痕。 成世人都未掂過西裝,去邊度買好? 結果好自然就同朋友上去淘寶搵下lol 001 | 白色恤衫 ¥14.85 (關鍵詞: 2015春装新款加大码女装女式长袖白衬衫韩版职业装OL衬衣女雪纺衫) 評價: 平價之選,其實冇咩特別。值得一提既係,佢膊頭位係好似公主袖咁有啲貢起既。(我唔明點解我夏天熱到痴線都要買長袖...) 002 | 西裝外套 ¥34.80 (關鍵詞: CZ2015春装新款小西装外套春秋大码女装中长款修身休闲长袖小西服) 評價: 質量非常好,都幾厚。中長款,著起上尼幾好睇,重點係舒服。 003 | 西裝裙 ¥19.21 (關鍵詞: 女职业半身裙西装裙一步裙OL短裙包臀裙工装裙正装裙黑色韩版气质) 評價: 入面有內襯,唔會顯得太透,面料比較薄。但長短岩岩好,亦都岩著。 004 | 平底鞋 ¥11.64 (關鍵詞: 单鞋女鞋春夏2015平底平跟鞋糖果色漆皮豆豆鞋浅口大码女鞋工作鞋) 評價: 超級滿意! 十幾蚊買到對平底鞋抵到喊出聲,唔刮腳,非常好著。雖然應該唔會好襟著,但呢個價位著兩次都抵lol 本身話仲有兩蚊返現,但客服唔理人,算啦咁平唔計了 ! 全套suit價錢: ¥14.85 + ¥34.80 + ¥19.21 + ¥11.64 = ¥80.5 (換算大約$100 未連到港運費) 有啲朋友怕咁平著唔到,其實博主親身試過每件都著得出街~~ 如果大家好似我咁,唔係日日都要著(日日著梗係買返啲更舒服靚料既衫),都不妨淘下寶,可能會買到更平既西裝! 名乎其實既平靚正呀 :D 以下同大家介紹其他係淘寶買既好物! 005 | 袋 ¥18.00 (關鍵詞: 手拿包女2015春款韩版手拿包 stylenanda韩国东门代购女包手抓包) 評價: 呢款袋係貪得意買去grad din既,容量都幾大,裝到超多野lol 有少少令面,我覺得勁靚。其實薄荷綠仲好睇,不過可惜唔襯條裙! 006 | 鞋 ¥135.00 (關鍵詞: 春季女鞋美女的诞生韩艺瑟明星流苏吊穗学院女鞋松糕厚底高跟单鞋) (無視上面的塵ORZ) 評價: 呢對鞋我擺左係購物車超耐...覺得好靚! 呢樣應該係我淘寶買比較貴既一樣野XD 實物好好睇,著上腳好顯瘦,同埋高左好多lol (因為鞋跟6cm高) 但真係唔太著得慣,所以成日扭到,而且加左一碼鞋墊都仲係大,更加容易仆親,腳細既朋友記得買大一碼喔。 007 | 連身裙 ¥88.00 (兩件免郵) (關鍵詞: 框框黛蓝小猫后拉链甜美小清新大裙摆伞裙蓬蓬裙收腰背心裙连衣裙) 評價: 呢條係近來大熱既連身裙款,版型其實幾好睇,長度都岩岩好。質料比我想像中厚,而且-.-對我尼講勁露背(見圖),所以應該會再買返件薄外套。呢條裙我覺得應該岩春秋季著,夏天就算唔加外套都有啲厚。 008 | 連身裙 ¥88.00 (兩件免郵) (關鍵詞: 小清新碎花公主A字连衣裙2015夏季新款纯棉布修身高腰无袖背心裙) 評價: 同上~ 009 | 5S玻璃MON貼 ¥13.80 (關鍵詞: iphone5s钢化玻璃膜苹果5S钢化膜i5抗蓝光5c防爆手机高清保护贴膜) 評價: 送左超多野lol,岩岩自己貼左都非常簡單方便,重點真係應該係最平,因為呢間店係買一送一 ! 好啦~今次就分享住咁多先,我既淘寶之旅係non-stop嫁XD 下次再同大家分享! PS: 淘寶貨品既價錢係會不定時改動架,所以我買個陣既價錢未必係而家既價錢~