呢篇文一直想出但拖了又拖 一望倒自己塊面就傷心 真係爛面爛足一個月(傷心) 話說自從用過Estee Lauder cyberwhite系列就對Estee Lauder 滿有好感 咁岩在4,5月期間Estee Lauder 係times的beauty center舉辦亮白彩妝美妍班 預約費$150，可以全數換彩妝產品，而且重有價值$300的gift set送! 見到TZ有 SIS出過文，係送桃最喜歡的cyberwhite系列(有精華有晚霜 份量唔少呢) 而且重有一塊刻名鏡，所以桃就勁雀躍地報名了 5月3號去上堂，一班有成十幾人 大部份年紀都偏大，應該得桃係20頭 其實成個workshop真係教得好仔細 由清潔護膚到上妝逐個step教，真係有上足2hrs堂feel (比較適合零化妝底子的人， 坦白說桃上得有點悶><) 原來全系列用上cyberwhite對桃皮膚來說負擔太重了 尤其化妝水太潤了，再用埋精華，晚霜塊面已經勁笠 夜晚晚都俾防曬人塗，用完後桃塊面狂出油，用左紙巾印2次都唔得 之後化妝師教我們用iMatch來找出適合的粉底色 塊膠片貼落塊面係成層油 桃本身左邊面有一兩粒小痘同有d印，自己遮得唔好 所以叫化妝師幫下桃，點知佢用遮瑕筆點左勁多落去，搞到個妝勁厚 應該就係呢個時候塞死哂桃的毛囊 原來一心想買呢枝全能亮白遮瑕筆 誰知佢搞到我爛面>< 反面隔離枝Ideal Light好好用呢 又水又貼!!! 加上所有化妝品都係2-3人共用 呢點有D唔衛生 尤其隔離用完遮瑕筆點暗瘡再輪到桃用 真係感覺不良好>< 同埋用粉底當碎粉用 個妝點都唔夠透薄自然呢 完妝效果是滿意的 桃化了藍色smoke eyes 化藍色妝既次數真係1隻手數得哂 但今次效果好好呢 要挑剔的是化妝師教我地畫左眼線先化眼影 呢個建議對桃唔work 內雙的桃一畫完條線已經化哂了 而枝睫毛液亦十分麻麻 Estee Lauder家的眼線和睫毛液有很大的改善空間 看一下對比 化妝同唔化妝相差5歲有沒有? 而且整個人精神左又冇咁惡 haha 完左之後送左套gift set比大家 打開不是最期待的cyberwhite系列 而是time zone面霜+眼霜+ANR+粉底液 亦沒有什麼刻名鏡>< o.....呢條line暫時唔岩桃用 所以用來孝敬媽媽了 ----------------------------(驚嚇照)------------------------------ 第2朝起身 左邊面已經敏感 好似毛囊發炎咁 而額頭亦出左好多痘痘 之後連續幾星期 無論點對付佢都唔謝 什麼心情都沒了...... 最後去了專門店加$60換了Ideal Light遮瑕筆 BA見桃塊面爛到咁 好好人送多個7ml水份cream比桃 其實Estee Lauder是個很好很有心的品牌 $150一個2小時的化妝班 全數換到化妝品之外重有成set gift送 化妝班又教得好仔細 亦好照顧每一位學員 可惜就是衛生問題 尤其桃呢d勁易過敏的皮膚 對衛生要求是很高的 如果d化妝品可以獨立使用唔洗同人share 上堂前消毒下 抹下d筆會更好
