去旅行之前通常大家都會搵定d懶人包 但我覺得我既程未必太適合其他人 所以會順序講我去左邊d景點 再同大家分享邊一到我認為值得一去定唔好浪費時間 交通詳情可以參考上一篇(初遊大阪/京都一日遊(交通篇:京都巴士一日劵) https://blog.ulifestyle.com.hk/blogger/crispycookie/2017/07/%E5%88%9D%E9%81%8A%E5%A4%A7%E9%98%AA%E4%BA%AC%E9%83%BD%E5%B7%B4%E5%A3%AB%E4%B8%80%E6%97%A5%E5%8A%B5/ ------------------------------------------------------------------------------------- 京都一日遊,一口氣行9個景點 ---------------------------------------------------------------------------------------------------------- 可刪減既行程 二条城 二条城既外觀好吸引同宏偉 我就係咁樣被吸引左入去行 基本上二条城就係圍住係入面行大一圈 但好多入面地方都未維修好,影相就會差小小 同太陽猛個陣會好曬 花見小路 花見小路係好古色古香既一條大街 我去既時間係傍晚 沿途都有牌提醒遊人唔好對藝妓做出唔禮貌既行為 不過藝妓就唔多個 我好好彩就見到一個 其實街上著和服既女仔都有好多 唔係執著於藝妓造型既你都可以唔去 但想去既話都可以撞下睇下好唔好彩既 ---------------------------------------------------------------------------------------------------------- 必去推薦景點 金閣寺 金閣寺值得一睇既原因係佢影相好靚,富麗堂皇 入到去會有人指示你去個影相位 沿著指示方向行,會近距離見到金閣寺 小小remind: 沿著方向行會見到有一間賣御守既店舖 繼續行唔好停,後面會有多好多選擇 銀閣寺 之後到我覺得最吸引既銀閣寺 未到銀閣寺之前會經過哲學之道 哲學之道就係一條散步既路 之後上銀閣寺要行一段斜路 兩邊都會有好多唔同既店舖,裝潢都好古色古香 比較金閣寺更值得一到既原因係 我會認為銀閣寺係一個可以好似賞茶一樣慢慢品賞既地方 除左寺本身係值得欣賞既建築 園景更加明媚 可以沿著行上坡路俯望番寺廟 八坂城 八坂城沿路都有好多店舖 但我去到都晏,鋪頭都關門 好在係咁,因此人都相對得番好少 可以慢慢睇慢慢行 八坂城好適合黃昏時段去影相 配合日落天色,似乎會為八坂城加上幾分色彩同味道 想影相不妨行高小小就可以影到店舖襯托八坂城同天空既效果
