今次去日本大阪只係五日四夜,行程方面係十分之緊湊 簡單講下五日既行程 Day 1 難波區,道頓掘,心齋橋,日本橋 Day 2 大阪城,西之丸庭園,梅田Shopping Day 3 環球影城 Day 4 京都 Day 5 黑門市場, 買手信 ---------------------------------------------------------------------------------------------------------- 呢一篇會講Day 4用京都巴士一日劵詳情 如果似我喜歡睇風景的話 「京都」比難波區,道頓掘,心齋橋,日本橋都更加吸引 喜歡睇風景值得分配更多時間逗留係京都 係未出發前想參觀京都既地方只係金閣寺同銀閣寺 實際上留係京都既一日去左9個景點!!! 有d景都去到其實都過左開放時間,但一場去到睇下個樣都好 所以係攰到趴係到 ---------------------------------------------------------------------------------------------------------- 京都巴士一日券 如果有做research,大家應該會知道有京都一日券 京都巴士十分方便 1日 券只係500yen一位 但如果單一程比錢就已經要230yen,所以買任搭會抵好多~ 購買既地點 我就係四条河原町站既觀光案內所買 不過另一個選擇係係巴士同司機買 觀光案內所職員會比中文既路線圖 多口問一句職員第一個目的地坐咩車 佢會比多張地圖,教你由邊一個出口行去車站同坐咩車 想check定搭咩車就可以click 以下既link 路線圖: http://www.city.kyoto.lg.jp/kotsu/cmsfiles/contents/0000019/19770/CN170313map.pdf 簡易版路線圖: http://www.city.kyoto.lg.jp/kotsu/cmsfiles/contents/0000019/19770/CN170313(omote).pdf 睇既方法係點對點咁睇第一步搵左出發點第二步就打橫掃過去目的地假設由四条河原町去金閣寺,你就可以見到可以坐既巴士有12號,59號同205號 使用一日劵同坐巴士注意事項 京都巴士係車既中門上車,前門落車 你問完司機路都係跑去後面上車車內有廣播同顯示器 對留站名按鐘就唔洗驚(韓國會擔心落唔到車多d)首次使用一日劵要係落車時放張一日劵入司機隔離八達通位個部機到 部機會印番個日期 之後就每次落車show日期比司機睇 京都巴士好準時! 「京都巴士就好似大澳11號巴士一樣咁準時」 每一個車站都會有既巴士既時間表 你就可以對番睇下一班車幾時到 同佢都有show到班車去到邊(有d車站無)
