由細到大喺書本上📙睇到《喵😻捉米奇🐀》係天經地義嘅事，但《喵😹捉米奇🐭送埋俾你》就真係第一次親眼👀睇到！雖然係驚嚇咗啲🙀🙀，但對於了解🔍喵星人😸嘅行為又踏前咗一小步👣👣！咁到底係咪所有喵星人😺捉到米奇🐭都會食咗佢呢😋？呢樣嘢我暫時未有定案；因為我哋起身🛌嗰陣，見到米奇🐭條屍仲放響門口，眼前睇到嘅係大大細細唔同size嘅螞蟻🐜🐜，好有秩序咁開緊餐🍽，佢哋仲好知道邊個部位啱自己口味，唔會越界👍🏼，呢個大自然食物鏈畫面真係好amazing🥂✨👏🏼！當一切都好似雨過天青🌧🌤🌞嘅時候，我哋收到屋主通知📄，佢話2個星期後要租俾一個長租客！吓⁉️仲以為可以陪多小3😺一陣……真係有啲突然喎；一方面要搵屋搬🏠，另一方面已經湧現唔捨得小3😿嘅情緒；雖然一開始已經同小3😸約法三章📜，講到明我哋唔係長住，終有一日會搬走，到時佢就要好好照顧自己；畢竟我哋一齊經歷咗好多難忘嘅事，大家建立咗信任嘅關係💞，唔捨得😢都係人之常情啫😭！咁冇辦法啦！既然個天都覺得我哋任務完成，咁我哋唯有好好珍惜💝餘下嘅日子📆同小3😽玩盡佢😂🤣！自從小3😺送咗米奇🐭俾我哋之後，佢每日心情大靚😻，除咗每朝晨雞咁早就要入嚟食早餐🍽🐟之外，仲等我哋陪佢玩，食飽玩夠先去大覺瞓😴！日子📆一日一日咁倒數，有個傍晚🌓，我響前園見到小3😹好興奮咁玩緊隻飛鵝🦋，咁啱有個鄰居經過寒暄咗幾句，佢指住👉🏼小3😸同我講：『佢唔係一隻好喵😿，呢到個個都被佢咬過🙀🙀！』我即時幫小3😿解畫：『佢係一隻野喵😼，所以佢嘅行為係會同家貓🐱唔同！』我都唔想嘥氣😪同呢個冷血冇情嘅鄰居講咁多🤧；試諗下，跟據餐廳個大廚👨🏽🍳之前同我哋講小3😽生過四胎，假設佢每胎生四隻毛孩ssss，咁即係16隻啦！肯定佢哋都係響唔適當嘅時候被拐帶走，一隻都冇留低😿， 換轉我係小3😸，我都想咬死佢哋呀😹😹！ 而家佢仲要講啲咁難聽嘅說話🗣詆毀小3😸，真係好過份🙄！實在太唔公平喇⚖️⚖️！雖然小3😺唔係嗰啲幾萬蚊一隻💰💰💰嘅名種喵星人🐱，而且佢嘅毛色又未必好討人喜歡🖤；但試問一隻野喵😸點會冇自我防衛機制吖🤔？咁唔通喺大自然環境長大嘅動物就冇佢哋存在嘅價值💸💰咩？！ 下回預告：柳暗花明又一喵🐈⬛
