一直都唔記得咗同你哋介紹🤦🏼♀️，喺游泳池嘅石堆嗰度，其實住咗一對夫婦💑，佢哋就係"couple iguana"🦎；"iguana大叔"（雄性）體型係比較魁梧嘅🏋️♀️，而"iguana大嬸"（雌性）就係比較纖瘦💃。 本來小3😸同佢哋應該係各不相干嘅🤝；哈！咁啱有兩次俾我見到"iguana大嬸"🦎響特訓營入口附近開餐🍽，原來佢踩到小3😾條防衛線，即刻響起咗一級戒備警號🚨🚨！！首先小3😼好冷靜咁觀察👀住"iguana大嬸"嘅舉動，等時機一到，就一嘢嚟個恐襲💣💣，嚇到"iguana大嬸"跌咗落泳池💦，狼狽不堪😭😳😡（哈哈x100,000😹🤣😂！），要用盡九牛二虎之力先至游返上岸🙀；嗰刻我仲以為自己喺度睇緊《笑笑電影》，拍案叫絕🙌👏🏼！ 喂！小3😺呀，其實呢"couple iguana"🦎🦎 佢哋係食齋㗎喎🥗🌿🌱，我估佢哋唔會食你啲毛孩s嘅？！不過多謝你🙏🏽 再一次俾我親身體會到，咩叫『為母則強』🤰🏻💪🏻嘅真諦💗！！唉呀呀呀😡！！啲毛孩s只不過入咗特訓camp⛺️短短幾日啫，我一起身又唔見咗一大😿一細😿嘅？？？？嗚嗚嗚😭😭😭，"黑珍珠"同"奀豬"都唔見咗，唔駛問阿貴都知一定係有人入坑做貓奴🐱啦！ 4-2=2，得番"曲奇"😺同埋"貢丸"😽兩兄弟👬咋，真係買少見少，身為babysitter嘅我，都有啲唔捨得佢哋呀😢😢！而家特訓營⛺️變成咗小班教學👩👦👦，首席教官一啲都冇吞pok，仲加緊課程嘅難度📚📚，除咗基本嘅你追我逐🏃體能鍛練之外，仲有玩下躲貓貓😸😸互動遊戲環節，有時又會互咬對方，訓練佢哋捕獵🐭嘅能力；我敢寫包單📝，將來"曲奇"😺同"貢丸"😽畢業🎓，一定係🥇🏆一級榮譽嘅畢業生🎓！！😢嗚…😭嗚…😫嗚，點解成日一起身就逼人計減數喎，2-1=幾多？!下回預告：1對1
