呢個小3😽真係冇厘搭霎，搬咗竇🏡都唔俾新地址我😤，要我左搵右搵先搵到啲毛孩sssss！到底攪乜佢要搬竇呢🤔？唔通育嬰室附近有棵椰子樹🌴🌴，佢驚啲椰子跌落嚟？定係小3🐱覺得有人會傷害🗡️💣啲毛孩s呢🤔？又為乜佢咁忍心要啲毛孩淋雨⛈️呢？點解小3😼成日都俾咁多難題我諗嘅呢？！呢晚又落大雨⛈️⛈️……第朝起身見到啲毛孩s回歸咗育嬰室喎？！小3😽你又攪邊科呢？原來小三😼搬竇呢個舉動，驚動埋住喺樓上嘅嗰位“阿根廷女人” 鄰居。佢話尋晚落大雨⛈️，見到啲毛孩s淋濕晒；於是好心💓將佢哋稍為抹乾，跟住放返入育嬰室；重點係…但我哋都發現，點解唔見咗“奶茶”嘅？？？佢話當時已經係得番4隻毛孩ssss，吓……！咁到底“奶茶”去咗邊？ 鳴😿…鳴😿…鳴😿…“奶茶”不見了？！於是我展開地毯式搜索🔎🔍🔎🔍，最奇嘅係我見小三😸好佛系，完全冇覺得佢要搵毛孩嘅動作。我搵咗1個上晝，反轉再反轉成個前園同後園都搵唔到“奶茶”嘅影蹤🤷🤷！到咗晏晝3點幾🕒🕒，咁啱餐廳嘅職員見到我好似搵緊嘢咁款，就問我係咪搵緊貓仔🐈？？噢！原來係呢位職員姐姐攞走咗“奶茶”！我唯有欣然接受呢個事實😌，起碼知道唔係有乜意外🚑🚨； 令我諗起以前嘅年代啲人，冇節育嘅概念，生得多👶🏻👶🏻👶🏻都係送俾其他人養大成人。更何況啲毛孩咁得意😻😻，真係好難抗拒唔做貓奴！！我慢慢明白到，所有動物有佢哋嘅天性同超強嘅本能💪； 就好似小3😸要搬竇呢個動作，佢要咁做，你點都吹佢唔脹😜😝！！有片為證👇👇👇嗱！你哋睇到啦！係咪吹佢唔脹，佢點都要將啲毛孩ssss扚晒返去新竇嗰到🏠！！其實好多時會唔會係我哋唔明白啲動物想點🐹🐰🐈🐮🐎，於是就用咗自己嘅方式去對待佢哋呢⁉️下期預告：特訓大本營
