小3😸，乜我同你真係咁大仇口🔪⚔️咩？！明明我都幫緊你⋯幫緊你，我搬個育嬰室入嚟啫，你咁都要𡁻我小腿兩嘢，你話係咪左右做人難吖🤦🏼♀️？你一定以為我偷咗啲毛孩sss啦！唉！！你話吖…啲喵星人🙀 係咪好難相處👽👽 吖，一係就俾你玩😣，一係就俾你𡁻😤😤……好啦！我終於鼓起勇氣同小3😺 表明立場；[全廣東話對話內容💬 💬 ]小3😽，我同你講呀，我哋暫時租咗呢到一個月㗎咋，下個月我哋未必住呢度，我唔幫得你幾耐㗎咋，你要記住呀，你要自己湊大啲毛孩sss呀，你明唔明我噏乜呀⁉️⁉️吖！係時候搵下偉大嘅Google；一無所知嘅我，嗱嗱聲報住個雞精班先，如果唔係有排都畢唔到業👩🏻🎓👩🏻🎓呀！加上小3😹唔係一般嘅家貓，要真正了解佢嘅行為又多咗啲難度，真係學問一籮籮！嘩嘩嘩，一睇之下，原來係有幾個可能性喎；母喵🐱覺得自己坐月期間身體好攰⚠️，能力不足😿，想搵保姆幫忙帶毛孩sss 🍼🍼；母喵🐱當咗你係自己人，係好信任嘅表現😻😻；想同你一齊分享佢嘅happy moments🎉🎊😹！母喵🐱想啲毛孩sss戒奶；到底邊個可能性大啲我暫時都係判斷唔到🤷🏻♀️🤷🏻♀️⋯⋯弊弊弊🚨⋯…我突然醒覺，自己都識同小3😸 講只係短期喺呢度吖嘛，咁我做乜搬個育嬰室入嚟，咁係咪俾咗個假象佢，以為我收養佢呢？！咁我係咪應該放返出去呀？？Um....mmmm，我最後都係決定乖乖哋放回原位😝😳！ 小3😼 你都好嘢喇！我連蛋🥚都冇生過一隻，你而家竟然要我呢個正印紆尊降貴，做陪月🍼都算喇，仲要做埋保姆，無薪💰💸兼兩職……唉！睇嚟要認真咁報讀番個❴陪月+保姆再培訓極速遙距課程❵💻先得啦😳😳😔！！！如是者，小3連日來都大搖大擺😹，大安旨意😸咁輪流咁扚啲毛孩sss俾我呢個新手陪月兼保姆幫佢湊；如是者，我又每日好長氣譖氣😆咁照用廣東話💬 💬 同小3😸講同一番説話🗣🗣，希望佢有朝一日聽得明我嗡乜！有時見到啲毛孩sss咁得意，又真係嬲佢唔落嘅！下回預告：毛孩sssss不見了？😮😨
