馬利奧(我老公嘅暱稱)臨飛✈️✈️ 前吩咐我呢個正印要好好服侍小3（佢仲叫我唔可以餵貓糧，因為小3佢係野貓😼，要俾肉🍖佢食），等佢有充足嘅奶水🍼 餵飽毛孩x5😺。我知道一旦抗命會被打入冷宮，當然一口應承佢啦！其實呢個就係炮製小3嘅最好時機⏰⏰，等佢唔好再咁得戚！要餵飽小3冇難度吖，我都係本住“ share is more”嘅宗旨，將我食嘅嘢🍗🦐🐟 share啲啲俾佢啫，輕鬆吖😎！！ 經過連日嘅觀察，估唔到小三佢擔當“老母”呢個角色又幾出色喎👍；見佢唔使餵奶嗰陣，就喺育嬰室附近休息，到咁上下聽到啲毛孩肚餓嘅叫聲，佢就跳入育嬰室嗰度餵奶🍼🍼🍼。 喂喂喂⋯⋯嘩嘩嘩📣！！小3你做咩呀😾❓你想點呀😾❓❓你攪乜呀😾❓❓❓小3你係咪玩我呀🙀❓❓你失驚無神扚隻毛孩入來我嗰度攪咩呀🤦🏻♀️🤦🏻♀️🤦🏻♀️❓我我我⋯我完全未做過貓奴嫁🙅🏻♀️，更加唔願做鏟屎官🙅🏻♀️🙅🏻♀️，我冇冇冇同喵星人有密切接觸🙅🏻♀️，仲好鬼驚佢哋張牙揮爪，最慘佢哋越叫越走，我都唔識點同佢哋溝通🤦🏻♀️；你而家咁有咩居心🤔？咁算咩意思呀😫😫？佢哋咁細隻，到底我掂唔掂得佢哋嫁🙄？我好驚隻毛孩踡咗入雪櫃底唔知點拎返佢出嚟呀🙀😿！明明係我要整治你吖嘛，而家俾你玩返轉頭，今次真真真係倒瀉籮蟹🦀🦀😫😫！可唔可以搵人救我呀😨😭😨😭？！下回預告：求救無門！
