上回我哋正式邂逅咗呢位沙膽嘅喵星人小3😽; 唔好以為我呢個正印咁大方,一下子就俾佢入屋喎,我暫時忍佢😠😠😠,因為仲有1日,我就會同佢獨處2個星期,到時佢就知味道喇😾!哈哈!嚟到第4日嘅中午,我哋坐咗響前園嘅泳池邊曬命🌞🌞🌞🌞 嗰陣⋯⋯一個來自阿根廷住喺樓上嘅女人經過,佢用西班牙文同馬利奧(我老公暱稱)傾談起上嚟(我一啲都聽唔明😜😝 ); 嘩嘩嘩!原來阿根廷女人爆小3大鑊呀💥💥!佢話喵星人小3剛剛生咗5胞胎,有一個簡陋嘅黑色膠籠放咗響我哋門口隔離空地位置,我哋竟然完全懵然不知🤷🏻♀️🤷🏽♂️!Wow… 我哋即刻去育嬰室查證一下,果然真係有1窩毛孩呀😻😺😸!又幾驚喜喎😃 ! 乜佢哋同一個阿媽生,啲毛色可以咁唔同嘅❓佢哋而家幾大呀❓佢哋幾時斷奶🍼🍼呀❓佢哋⋯⋯❓❓點解⋯⋯❓❓大鄉里出城嘅我即刻爆腦袋都係問號😳😳❓❓!馬利奧即刻喵系博士上身👨🏽🎓🎓:「佢哋睇嚟啱啱開眼冇耐👀👀,應該出咗世2星期咁上下啦!(如果我早2個星期嚟到就好啦,話晒我都未入過產房。)呢個時候仲未識行嫁,只係勉強爬下爬下!」大鄉里第一次親眼見到咁細隻嘅毛孩,不過我冇即時被佢哋俘虜咗,因為我同喵星人🐱 真係唔太熟落,但係我都好想睇住啲毛孩1日1日咁長大,而且非常好奇到底喵星人嘅成長過程係點嘅呢🤔🤔😏?!下回預告: 倒瀉籮蟹😵🦀🦀 !!