全靠水豚君有一副天生呆萌樣😻😻，令佢成為「治癒系」嘅動物代表，真係非佢哋莫屬！上年嚟到南美洲最大最繁華嘅城市、世界著名嘅國際大都會，巴西最大嘅城市---聖保羅。吓😧😧😧？咁即係人多車多高樓大廈又多啦，要睇到水豚君嘅機會咪好微囉😔😞😟🙁，嗚嗚嗚⋯⋯放心放心，我點會咁容易放棄呀，希望在明天吖嘛！！！又真係估唔到喎，呢個大城市嘅規劃比我想像中好，除咗密集嘅商業住宅區以外，不乏一啲大型嘅公園，只要公園入面有湖泊🏝🏝，見到野生水豚君出沒嘅機會就好高啦👏🏻👏🏼👏🏻👏🏼！皇天不負有心人，呢日當我哋一行入呢個公園冇幾耐，湖泊就響眼前，水豚君也在眼前，YEAH✌🏽✌🏽✌🏽!!!!! 今次見到嘅又係一拖三，由於聖保羅市當時係冬天，就算係中午時段，溫度都相當適合佢哋出嚟晒晒太陽🌞 同浸下日光浴😎😎😎 ，真識歎！ 喂！今次我有重大發現呀📣📣📣！！你哋知唔知水豚君係識叫嫁？！水豚君係有叫聲嫁！！！！忽然進入咗「動物星球頻道」，第一次☝️係第一次發現原來水豚君係有叫聲，我仲以為係樹上面嘅雀仔叫聲，我再三"Fact Check"咗，千真萬確係由水豚君發出嚟嘅。唔止呀，仲俾我見到小水豚君開跑車🏎🏎🏎🏎！正因為水豚君有十足嘅親和形象，所以佢哋成為咗日本同台灣好多動物園嘅力捧成員😘😘，深得大人同小朋友👨👨👧👦👩👩👦👦👨👩👧👧👨👩👦👦嘅擁戴。 可惜響阿根廷🇦🇷 就剛剛相反；去年嘅8月，水豚君拉大隊入侵社區住宅，造咗破壞之王😱😓😳😡，仲有咬傷狗狗🐶🐶🐶 嘅事故，令當地人相當抱怨。幸好，有好多阿根廷網友都響網路上發起保護水豚君運動。最值得我去反思嘅係，到底係人類嘅文明發展入侵咗野生動物嘅地盤，定係動物先係霸權大地主呢？！如果兩者可以攞個平衡點，就皆大歡喜啦🙌🏽🙌🏽🙌🏽!
