經過上一篇響烏拉圭🇺🇾 睇到嘅塗鴉之後，有冇啲到喉唔到肺嘅感覺呢🤔🤔🤔？？打鐵趁熱，等我再帶你哋去一個好特別嘅地方，就係巴西🇧🇷 聖保羅市著名嘅塗鴉景點「蝙蝠俠巷」。 我八到呀，原來呢條巷響80年代嗰陣，因為一幅蝙蝠俠🦇🦇嘅畫作一夜之間出現響小巷嘅牆上面而得名嘅，一用就用到而家！（唔好意思，唔係以下嗰幅，幾廿年前嗰幅應該拜拜👋👋👋👋 咗好耐啦！） 當我行咗入去呢個露天塗鴉gallery，成件事好CRAZY呀👾👽🤖！好似上咗架太空船🚀🚀穿插喺銀河系🌌🎆🌅🌠🎇 一樣，因為全部塗鴉作品嘅創意都跨越晒地域界限，題材豐富得嚟又有內涵； 我再八到啲嘢，原來呢條「蝙蝠俠巷」🦇🦇係會經常"送舊迎新"嘅，只要藝術家有新靈感，佢哋之間都會秉持住對彼此嘅尊重，大家取得共識之後🤝🤝，就可以更新塗鴉牆嫁啦😉😉！點擊圖片放大 響聖保羅市中嘅塗鴉作品入面，可以深深咁體會到藝術家們淋灕盡致咁發揮出濃郁嘅南美色彩💯💯。而每個到訪嘅人都理所當然咁盡情地打咭📷 啦!!! 原本幾分鐘就可以行完嘅小巷，我哋最終係花咗個幾鐘頭先可以由太空船🚀🚀 著陸返回地球🌍🌍🌍，可想而知係有幾精彩啦！！！點擊圖片放大 +4 尾段彩蛋： 又一個藝術🎨 同環保♻️結合之作💝，我覺得似一隻棲息響樹森入面嘅班馬😅😂🤣 ，或者你會有唔同嘅想法；藝術係冇分對或錯，最緊要相信自己，欣賞別人！！
