既然六合彩咁難中，但咁容易就見到水豚君出沒，咁不如今次等我充當嚮導，帶你哋一齊去一個植物公園，睇下我嘅幸運指數⭐️⭐️⭐️⭐️⭐️有幾高啦！雖說係植物公園，但響園𥚃面發現好多唔同嘅野生鳥獸。由於巴西里約熱內盧每年9月至6月天氣爆熱，大部分動物響中午時段都會躲起來"睡一睡，好過做元帥"（我也是😂😆 ）；提提你啦，如果想一睹佢哋嘅風采，最佳時機就係晨昏時段了！ 今次唔止crazy，仲好lucky，震撼嘅畫面再一次呈現眼前，呢隻水豚君真係勁大隻呀！但係唔好以為佢嘅體型龐大就一定好笨拙喎，佢哋都算係"長氣袋"，最長可以潛入水中五分鐘之久。唔知你有冇被水豚君嘅天然呆樣吸引住呢？在植物園入面嘅小朋友見到水豚君嘅出沒都以最高分貝好興奮咁尖叫起來！同場加影：除咗水豚君之外，響呢個植物園仲有另一種野生動物，都係響巴西好容易就會見到嘅；但在石屎森林長大嘅我，都係"大鄉里出城"，第一次遇上佢。 請用熱烈嘅掌聲，歡迎狨猴（Common Marmoset）出場👏🏻👏🏻👏🏻👏🏻👏🏻，佢哋係南美洲其中一種體型輕巧嘅㺅類，最特別嘅係佢哋耳仔嘅兩邊都有一簇白色長髮，心諗唔通係楊過嘅遠房親戚？？？前額仲有白色印記；佢哋個樣會唔會搞笑咗啲呀？！如果將來有電視台📺 再開拍《神鵰俠侶》，會唔會考慮一下搵佢做男主角呢？🤣🤣
