呢次我嚟到另一個南美國家～烏拉圭🇺🇾 ，我估你哋有睇足球⚽️⚽️⚽️嘅，都應該有聽過呢個國家名；但可惜吖，我唔係球迷😝。咁唔講足球⚽️⚽️⚽️講咩好呢？哈哈！等我自肥下先，就講下呢到嘅塗鴉藝術啦！睇到呢到，你一定會話"藝術呢家嘢，我識條鐵咩？😒"，咁好簡單啫，你放低條鐵咪得囉！其實塗鴉創作風格係非常多元化，今次我真係大飽眼福啦 ！喂，仲拎住條鐵做乜吖，出發啦😅！ 響呢啲塗鴉嘅構圖之中，可以有說不盡嘅創作意念，有好多天馬行空嘅創意想像；呢啲都係我越來越欣賞塗鴉藝術嘅原因之一💟！ Wow…你哋睇下呢啲充滿色彩嘅塗鴉，顏色嘅配搭相當之豐富，係咪好似見到彩虹🌈 一樣，令你感到滿足同喜悅呢？！ 另一個原因令我好欣賞塗鴉嘅係…咁大幅牆喎🙄😞😳😧，就算你俾我十日十夜，我一定完成唔到囉😪！你哋睇下，塗鴉都可以做出非常細膩嘅筆觸，呢啲大師級嘅傑作，係咪值得停低落嚟欣賞下呢！！ 塗鴉藝術唔單止響牆壁上見到，有時候仲可以響地鐵站、車身或者垃圾桶等，發現到塗鴉藝術家嘅 "畫布"！ 到咗今時今日，街頭塗鴉文化終於都出得大場面啦💪💪🏻💪🏼💪🏽💪🏾💪🏿，全世界好多大城市，例如紐約、柏林、倫敦、哥本哈根等，都被人接受起嚟，而且逐漸成為咗一種藝術。尾段彩蛋： 藝術🎨 同環保♻️♻️結合之作💝！！下次你著舊咗嘅鞋，記得唔好掉喎😜😎，但要確保冇異味先好用呀😏🤣😉！
