【喪食台北@2017年10月14-17日】 旅程去到最後一日，由於系晚上6點的飛機，去太遠又唔得，可以做得嘢就系繼續搵食！出門前先系度Instagram搵資料，但好快就決定左去呢間唯美的cafe度hea~ 先介紹下間Cafe，它位於四平街和吉林路交口，由捷運松江南京站走過去大概五分鐘。 可能平日的關係，入到去得一個顧客，岩曬我地，唔好吵到其他人。 裡面的環境幾令人耳目一新，明顯看得出細心地設計過，有幾個位置都適合打卡。 無論坐那裡，都覺得cafe環境很令人舒暢，顏色的配搭很和諧。 而且有落地玻璃，空間感頗大，適合吹水。 當時已經11點，我地就點咗四個甜品加幾杯飲品，唸住留肚食午餐。 由於甜品的設計很花心機時間，所以飲料先上~ 玫瑰Latte NT.150 紫薯黑糖妙可 NT.220 個樣好趣致，上場時超有驚喜，但可惜味道很一般 焦糖海鹽拿鐵 NT.150 呢被幾好飲，焦糖很多，是我喜歡的，咖啡也不會太濃，而拉花也令人心花怒放^^ 除了焦糖latte,其他飲品並不算突出，而且價錢就偏高，當中的神馬紫薯就最為普通，但價錢最貴，不過用來打卡就無所謂既XD 差不多等了半個鐘，甜品先一一上場。首先出場的系綠茶甜品。哇哇哇，一見到個display，個個都拎住相機不斷影，難怪需時上菜。 靜岡抹茶火山戚風 呢個綠茶ok啦，綠茶味都重，最重要系賞心悅目，手機食得很開心。 夏彌爾的羽毛 我最喜歡系呢個法式檸檬塔，食落去酸酸地，同D cream超夾，可以媲美貴價的法式甜品，而且個伴碟的設計非常矚目。 提子芝士撻 呢個芝士撻都超級好食！芝士的味道非常突出，加上提子超甜，似系日本提子，配合上來中和了芝士的膩，令人欲罷不能，大滿足！ 烏列爾之巔 巧克力戚風、手工拉糖 麥芽糖整出來的小火山蓋住心太軟，呢款系花巧系的甜品。味道都不錯既，但未去到驚為天人。不過最佩服的都系店主很花心機，整一款都要整好耐，而且顏色的配搭同圖案都經過悉心的考慮。可能果陣只有我地呢臺客人~ 飲品的價錢，一目了然。而甜品的價錢就只表示在甜品櫃（忘記影低），不過每件甜品的價錢大約港紙40-55。 總括而言，呢間cafe好高質素，環境優美，甜品味道也不俗，難怪甘多粉絲！不過最好就唔好peak hour去，甘就可以輕輕鬆鬆鄧梓峰下....... 為了我們美好的友誼乾杯！ ~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~ 時安靜好 地址：台北市中山區四平街2號1樓(近松江南京8號出口) 電話：(02) 2581 6622 營業時間：10:00 – 19:30
