1年大假得12日，本黎都夠用，但近排唔知點解勁多平機票，又HKE $1機票，又Zuji 8皮書，各大航空公司既promotion機票都平得過份。買下1張買下又1張機票，都未夠1年就無1大半大假啦。 今年8月咁岩有朋友去吉隆坡工幹1個月，可以屈蛇癡佢住5星酒店，慳到晚酒店錢之餘，我又未去過吉隆坡，都想感受下馬拉風情，草下d護照chop印，所以就決定去2日2夜探下佢啦。上到airasia睇機票既時候，突然醒起其實新加坡都好近喎，貪心既我就突然將2日2夜吉隆坡行程轉左做得返1日，撥左1日比新加坡。 去左Airasia買香港至吉隆坡機票之後，我就向Jetstar買吉隆坡至新加坡機票，最後向Scoot買最後1程由新加坡至香港既回程機票。3程加埋哂千5蚊左右，我就覺得玩左2個地方同搭左3次飛機算係非常抵。而且，我仲搭過哂3間廉航(閃閃眼)，所以可以問返我對佢地既評價。 某個星期5收工後，我就拖住由屋企拖返公司既行李箱急步走去搭機鐵啦。因為我班機9點05分起飛，而我就7點左右向上環收工，時間都算幾趕，所以我做左網上check in 先，去到機場過關再去埋北衛星，已經8點半左右，開始登機。 上到機都仲要等差唔多1個鐘先起飛...本身仲諗住趕機鐵尾班車出吉隆坡市區，預計2點左右就meet到個fd...唉...(齋等1個鐘太悶，自拍下好了) 因為收工直接趕搭飛機，完全無時間食野，我就上網預先訂左個咖哩薄餅餐，不得不讚Airasia d飛機餐真係又平又好味，好似都係$2x蚊...真係完全無得彈... 由於遲左1個鐘起飛，加上又好多旅客入境，我最後要搭2點15分個班通宵車出市區。 深夜3點半鐘，終於到左市區既Puduraya Bus Station，之前睇過Google map都係行10分鐘姐...而且我又唔想比咁多錢去搭夜的...好！我決定行！其實深夜1個人行都幾驚，因為成條街除左路宿者真係1個人都無。行左15分鐘都未到個fd間酒店...開始有d驚...我再驚多15分鐘之後見到多左5光10色既燈牌，再望遠小小就見到我個fd住個間Grand Millennium Kuala Lumpur hotel 啦！(眼泛淚光) 搵到個fd後，沖埋涼訓覺個陣都已經5點幾，plan左第2朝9點鐘起身。 起身既時候見到個fd 換哂衫，jel行哂頭，我就同佢講我想游水，因為每次去旅行都無機會掂下個酒店泳池，而且我覺得吉隆坡都幾適合游水，哈哈。 向吉隆坡既第1餐就比左Old Town White Coffee，最特別就係個半熟蛋同蒸包。 由於時間好緊迫，朋友就帶我去d地標影下相，參觀下。去左city gallery影張人人都有既I love KL。又去左參觀國家清真寺、吉隆坡火車站、獨立廣場同警察博物館。 晏晝就去左Petaling street食lunch，即係吉隆坡既唐人街，我地是旦入左間餐廳，叫左燒鵝脾同炒粿條，燒鵝脾滑到不得了，香港食既係「孩」身既(應該係我未食過好野啦XD)。 點擊圖片放大 食完晏襯仲有陽光就當然要去雙子塔呢個地標影返幅相留念啦。吉隆坡靜靜地無咩人其實都幾舒服，呢個地方旅遊業唔會過份蓬勃，政府唔會犧牲民生舒逸。 點擊圖片放大 行完地標，又係時候食下野啦，得返咁少時間向KL，我要把握每分每秒，食盡好野啦。我地去左亞羅食街開餐。我想講馬拉d串燒同肉骨茶真係好好好食呀。d雞翼燒完都仲係好滑好入味！馬拉肉骨茶雖然藥材味好重，但係唔知點解隻味夾得咁緊要，好好味，千祈唔好先入為主覺得藥材味會好怪，你絕對會一試就愛上，嘻嘻。 今次反而最失望就係榴槤啦。我真係好鐘意食榴槤，去到邊度都一定要食榴槤，乜乜乜。識食既我覺得去泰國當地食已經係最好食，點知有好多人話馬拉d榴槤更加好食，咁我當然要一試，而且8月都係D24 / 貓山皇 盛產既月份，所以我會以為好好食啦。去左間多人食既檔仔叫老闆娘揀左個最細既貓山皇，苦到呢... 仲要有2十幾粒。我朋友就話好好食，食唔出有苦味。我食左幾粒向唔同部位既都覺得好苦，好難食，我就試下問佢有無食到「酒」味，佢都係話無...我絕對可以總結佢係唔識食榴槤既... 點擊圖片放大 食完野，返左酒店休息一下，沖涼換衫，我地就join埋另一個馬拉朋友一齊去感受下吉隆坡既夜生活。喂，大佬....玩到3點先捨得走...返到酒店沖埋涼訓既時候已經4點半，由於我5點半要起身搭6點半班機場巴士趕8點45分既飛機去新加坡。換句話說..我得1個鐘訓....lol 待續。。。
