平時放假都係屋企做廢青，但上個星期比啊媽拉左去整押花，睇落佢好少假放份上，我諗住陪下佢，點知搵我去整手作野，平時我已經好粗魯，十指不沾陽春水，我都係諗住做下宮女，幫母親大人執頭執尾炸。 黎到工作坊，原來都幾多人報名參加，有導師係現場，可能都多人佢有少少忙，但大概整法都有講解，之後就係自己發揮創意，我地整手機殻，現場好多花簡，真係睇到眼花（真係有好多花嫁），估唔到我手粗粗最後都整到，啊媽又幾心細砌得幾靚，佢個女其實都幾有天份（自己讚自己唔知醜）。 製作中 好好笑，啊媽見到UV機好似細路仔咁，其實個UV機用黎曬乾滴膠，好似人地gel甲咁，佢就好得意咁想試係隻手指甲到玩押花，我就緊係唔比佢咁做，捉住佢隻手，佢先施施然話講笑，有時真係覺得佢比我仲後生。但其實打從心底我真係笑唔出，捉住佢隻手個陣發覺佢隻手好粗糙，好多皺紋，原來啊媽都唔後生啦，可以陪佢的時光仲有幾耐呢？我覺得好彩今次有陪佢黎。花開花落是自然定律，任誰都不能避免，但有幸的是我們能把這刻最美的光陰留下，就像乾花般永恒。 UV機 原來佢地之後仲有母親節押花班，我仲想整條鏈送比佢 Lifeart.Studio 8/5母親節押花班工作坊優先預約 https://docs.google.com/forms/d/1VBpuRqsKL7K0RVCRvxhAWUxfolfy4cu0HrNd9l5QCDo/viewform?edit_requested=true 工作坊詳情: 日期:8/5/2016 地址：灣仔克街6號廣生行大廈B座UG層1B室 查詢：95883767／34848467 電郵:lifeart105@hotmail.com.hk Facebook Fan Page：Crafters Corner 手作樂 Instargram：Craftersssss
