前幾日係同男朋友拍拖嘅紀念日所以特登book咗間係銅鑼灣嘅omakase 食番個高質嘅dinner嚟慶祝一下先(๑˃̵ᴗ˂̵)上網搵咗好耐食邊間好咁啱見到間係新開嘅日式餐廳膽粗粗咁book嚟試下成餐飯都超級滿意，簡直係大滿足不論係食物嘅質素，員工嘅服務態度甚至乎喺裝修佈置都好有驚喜(๑･̑◡･̑๑)餐廳嘅地理位置並唔難搵就係利園附近嚟到店員第一時間就講得出我哋Booking嘅名都幾surprise，真係好有置身於日本嘅感覺坐低之後店員為我哋介紹佢哋呢度有兩種套餐一個叫【舍】一個叫【雪】【舍】係比較多樣化，有刺身壽司亦都有熱食份量係比較多的【雪】就比較簡單，主要係食壽司佢哋話係比較適合食得唔算好多嘢嘅客人我同男朋友咩都想試吓所以就一人叫咗一個餐嚟食我當然係食雪啦，因為本身都唔算食得好多嘢但係我想講都真係超級超級飽，超滿足( ´ ▽ ` )𝐎𝐫𝐝𝐞𝐫:⧐雪Yuki | $1280↬前菜3點 Apperizer↬壽司15貫 15 Pieces or Sushi↬卷物 Sushi Roll↬湯 Soup↬甜品 Dessert ❀ 前菜3點 Apperizer↬北海道白粟米、汁煮白螺、蟹肉金杯我本身唔係特別鍾意食粟米嘅人但係佢個粟米真係超級甜，食落唔錯白螺用咗特製醬汁烹調，味道清甜最右邊嗰一粒好似燒賣咁嘅係最好食嘅用香脆嘅外皮包住金菇、蟹肉同埋紅菜頭味道好夾好香口 ❀壽司15貫 15 Pieces or Sushi↬左口魚薄切配柚子酸汁↬汁燒北海道活帆立貝↬九州活赤背配檸檬汁↬香葱真鯛↬醬油漬赤身↬白蝦配薑蓉↬金目鯛配烏魚子↬石垣貝配青檸汁↬三星漬深海池魚↬煙燻鰹魚配醋蒜蓉啫喱炸大葱絲↬池魚配蔥花薑蓉↬赤鯥魚↬甜蝦四重奏↬野生拖羅壽司↬北海道根室市紫海膽配淡雪鹽↬配料 - 海帶、蒜頭、蘿蔔、牛蒡、芝士講真其實每一件壽司都真係超級新鮮而且師傅會為每一種魚類貝類配搭唔同嘅調味並唔需要再額外點任何豉油唔單止造型好吸睛，味道都一流好多時都差啲唔記得相機食先想直接夾嚟食( ´∀｀)而咁啱得咁橋呢一期嘅海鮮都係我比較鍾意食嘅種類所以我全部都食得好開心特別想講一講其中三件壽司分別係甜蝦四重奏、金目鯛配烏魚子同海膽 甜蝦四重奏喺呢度嘅signature壽司顧名思義係有四種唔同嘅方式去處理甜蝦最底層係原隻開邊甜蝦蝦身第二層係甜蝦剁成甜蝦蓉咁樣第三層係經過火槍燒過嘅蝦頭膏然後最面就有炒乾咗嘅櫻花蝦碎碎呢一件壽司真係超出色個口細啲嘅話 差啲一啖都食唔晒一次過有四種好唔同嘅口感同埋味道非常特別金目鯛配烏魚子係經過風乾熟成左三至四日所以魚皮表面係比較脆再經過火槍燒一燒表面再加上一啲烏魚子喺上面味道真係一流♪( ´θ｀)ノ 另外想講一講海膽杯海膽係來自北海道嘅紫海膽係無加明礬作為防腐劑而係用咗電解水防腐所以味道更加清甜冇咗浸澀味面頭加咗用米整成嘅淡雪鹽成件事更加好食 味道更出更creamy仲有就係伴碟嘅配菜每一樣都好有心思全部都係自家製嘅 師傅仲特登請咗我哋食佢啲特製嘅芝士三角形嗰一隻係用咗麵豉去醃製嘅車打芝士要經過一個半月嘅發酵先整成另外面頭燒過嘅嗰一隻係用咗日本白麵豉、赤麵豉同麥麩麵豉去醃製上菜嘅時候會輕輕用火燒一燒食落口嗰一浸芝士味真係好難忘非常之濃郁！但由於醃製嘅時間比較長並唔係每一位客人嚟到都會有機會食到所以我哋真係非常之幸運(〃ω〃)❀湯Soup↬魚湯用咗好多種魚去熬製而且落咗好多唔同嘅配料所以味道都好香濃 ❀卷物 Sushi Roll↬拖羅手卷呢個簡直係好睇兼好食因為就好似喺迪士尼睇煙花表演咁師傅會用火槍燒吞拿魚嘅魚皮熱力再加上油分從而製造出火花嘅效果之後用吞拿魚油脂再加赤身碎、京蔥、千本漬、能蔥、海苔去撈飯整成手捲而且師傅好貼心知道我已經食到好飽所以就用咗鱈魚片取代海苔既可以試到呢一個飯嘅味道而又唔會太飽 ❀甜品 Dessert↬紅豆抹茶蛋糕抹茶brownie加上奶油同紅豆味道真係好match好好食另外仲有糖度高嘅佐賀密柑最後有hojicha幫我解甜解油膩 另外都想講講男朋友食嗰個餐其中一樣係 白蝦海膽杯呢樣師傅話都係餐廳嘅signture因為用左12年既鱘魚子再加埋花紹蟹蟹殼整嘅上湯啫喱再加金箔配合白蝦同海膽食味道都非常之出色，而且外觀都好靚！ 仲有一個係花紹蟹刺身因為佢真係啱啱喺日本空運到香港另一個師傅喺將隻蟹蒸熟之後我哋面前慢慢咁拆肉面頭再配返佢自身嘅蟹膏好鮮甜美味(´∀｀=)呢一餐真係好完美(〃ω〃)師傅同店員都好nice唔單只介紹菜式嘅時候講得好詳細仲會同我哋講好多日本菜上嘅小知識成餐飯都有傾有講，食得好開心舒服佢哋仲請咗我哋飲柚子酒叫泉姬係一隻好清甜，度數唔高而且冇苦澀味嘅酒好適合女士飲用比起我平時飲開嘅真係好唔同佢真係完全冇咗個陣酒精嘅味道所以如果唔係飲開酒嘅人好容易就一杯又一杯咁飲醉 最後想講吓佢哋嘅女洗手間真係令我好嘆為觀止餐廳老闆娘真係一個好貼心嘅人因為適逢我哋去嗰一日天氣唔好落緊大雨洗手間居然準備咗Dyson風筒比客吹乾頭髮然後仲有Jo Malone嘅香水同Handcream可以使用就連女性用品、漱口水等等都準備得好充足真係我喺香港去過咁多個洗手間都未試過有咁仔細嘅設置非常之難忘同好值得讚賞⁽⁽٩(๑˃̶͈̀ ᗨ ˂̶͈́)۶⁾⁾如果大家都有日子想慶祝或者食返餐好嘅不妨試吓去呢一間餐廳真係越食越有驚喜的(⑉︎• •⑉︎)♡︎—📝評分 味道 ⁵ / ⁵ 環境 ⁵ / ⁵ 服務 ⁵ / ⁵ 衛生 ⁵ / ⁵ 抵食 ⁵ / ⁵ —📍 舍 (銅鑼灣)銅鑼灣邊寧頓街13-15號Biz Aura 3樓_
