過時過節同屋企人朋友慶祝,煮返幾味賀年菜式當然少不免,不過想大宴親朋,又唔想道道餸都咁複雜,煮到踢晒腳?今次分享蜜汁煎金蠔食譜,佢煮法簡單,但又相當體面,意頭又好,係非常值得一試既簡易節慶菜式!蜜汁煎金蠔 望落去香脆,豐滿,又金光閃閃,蜜汁煎金蠔未食都已經令人感覺到一種愉快開懷既氣氛! 如果生蠔似牛肉剌身,蠔豉似牛肉乾,我諗金蠔就似熟成牛扒。金蠔肉質飽滿,咬落有汁,最重要係經過曬製後,味道更濃縮集中,食落蠔味非常濃郁,配上香甜既蜜糖汁,絕對令人食唔停口,而食完會個種齒頰留香,亦令人相當難忘。 今次係老字號港榮海味買左特大版10A金蠔王 隻隻都差唔多有成罐汽水咁高! 未食既金蠔要放入冰格保存 食之前一晚拎出室溫解凍曬完都咁大隻,忍唔住再拎包飲品對比下個size lol 解凍後,將竹籤小心抽出,再沖洗一下金蠔 放係蒸碟,鋪上薑絲 蒸5分鐘 拎出黎索乾水 準備一湯匙蜜糖,蒸過蠔既水都可以倒入,溝成醬汁 中火將油燒熱,將金蠔放入鍋,轉細火,全程都要俾耐性慢慢煎 煎一分鐘左右就會煎出香脆表面,反轉再煎要用隻不沾力強既鍋,如果唔係煎爛左蠔就會好心痛/_\ 加入蜜糖醬汁 等待收汁後就完成喇! 你都想食到質素好既金蠔?我地依家同海味老字號合作係過農曆年前推出限時團購優惠,有興趣可以去我地網店了解更多。金蠔只有冬天供應,而我地仲有推出最高級既10A穿竹金蠔王,想試食肥美既金蠔就要把握機會喇!中英文詳細食譜________________________________________________今年農曆新年不如試下自己整蘿蔔糕Try to make turnip cake on your own for this CNY!家傳賀年蘿蔔糕做法分享 Sharing Our Family Recipe of Turnip Cake數到節慶菜式,香港人最鍾意梗係芝士焗龍蝦!When it comes to festive dishes, Hong Kong people love cheese baked lobsters!節慶芝士焗龍蝦 30分鐘食譜 Festive Cheesy Baked Lobster in 30mins________________________________________________Facebook: 小夫妻OvercookedIG: couple_overcookedContact Us