夏日綿綿，奄仔蟹最肥美，用黎做牛油鹽焗奄仔蟹就岩晒。奄仔蟹即係未受精既蟹女，d膏特別香嫩綿滑，上次我地都分享過用鹽焗方法提鮮係夠晒正，而今次既方法用少好多鹽，又加入牛油，方便得黎鮮味更提升，好多海鮮餐廳都係用依個方法，極度推介！而上次我地處理蟹比較生手，令佢漏左d膏出黎，今次亦會分享奄仔蟹處理點樣做比較好。牛油鹽焗奄仔蟹 中英文詳細食譜 一隻牛油鹽焗奄仔蟹兩份食已經夠晒滋味，再配杯whisky簡直就係人間一大美味 奄仔蟹既特色就係超多膏，而且綿糯甘香，個人黎講覺得好食過膏蟹 而且都啖啖肉架！ 奄仔蟹好容易係街市買到，不過買既時候未算當造，當造時同一檔可以賣平3份1，我地都係隨便揀隻大隻既 奄仔蟹處理好簡單，拎到返屋企未煮既話可以雪暈佢先 到要煮時，用筷子由口插入，一野捅到底就可以較人道咁殺死蟹，唔洗等佢係煮既時候醒返掙扎整斷腳 然後可以慢慢清潔佢，有時奄仔蟹都幾多泥沙，要仔細刷 依個奄可以搣走佢，要留既話就要徹底清潔佢 整牛油鹽焗奄仔蟹，第一步就係蒸佢10分鐘 蒸完已經熟左大半 慢火煮熔一塊牛油 加入三茶匙粗鹽煮一陣 加入蟹，中細火煮佢，過程中將汁液不斷淋上蟹身，煮3分鐘 反轉重覆步驟，都係煮3分鐘 冚蓋焗1分鐘 好靚！ 斬半 牛油鹽焗奄仔蟹完成喇！超好味！中英文詳細食譜________________________________________________係屋企要煮最簡單既海鮮？我地第一時間諗起蝦仁炒蛋，要煮得好味都有少少竅門蝦仁炒蛋 蛋嫩蝦爽做法分享 要食豪華d既海鮮？咁整個芝士焗龍蝦就一定無錯喇節慶芝士焗龍蝦 30分鐘食譜 ________________________________________________Facebook: 小夫妻OvercookedIG: couple_overcookedContact Us
