係屋企整燒味係吃力不討好既事，因為廣東燒味既技術含量高，無返咁上下經驗同專用器材，唔容易整得到出面既水準(當然市面上亦充斥好多難食燒味，唔係討論範圍)，不過疫情係屋企最多就係時間，所以整下步驟繁複既燒味係幾過癮的。朋友最近拎左d加拿大靚豬腩黎，岩晒，就整燒腩仔。我地事前都未整過，所以今次參考左職人吹水、唔熟唔食、Chef Chu同台灣YouTuber徐大叔和傑糯米既煮法，睇下整唔整得出見得下人既脆皮燒腩仔先。中英文詳細食譜脆皮燒腩仔 登鄧，雖然講唔上好精緻，但都唔係太差啦lol燒腩仔最重要係層皮要鬆脆，依點做得唔錯，咬落去脆卜卜，超正，我地下面會介紹令塊皮鬆脆既4種材料：鹽、醋、梳打粉、威士忌而塊肉本身好食，焗完出黎既豬肉香亦令人流晒口水！ 燒腩仔始終係肥膩野，配上芥辣醬，perfect 黎自加拿大既急凍五花腩，先將佢解凍 然後放入凍水，連埋幾片薑、幾粒八角同少少米酒，細火煲佢 煲完佢開始微滾就再煮多10分鐘，e個時候d肉沫會開始浮面 啤啤水洗洗塊肉 然後用支叉由頭到尾咁係塊皮拮窿，要拮透塊皮，令稍後材料可以更有效滲透豬皮，令佢變得鬆脆 係肉上鎅幾刀，令佢醃得更入味 準備醃料，五香粉一湯匙，鹽半茶匙，仲有少少胡椒粉 醃肉 用鍚紙包住豬肉部份，只有豬皮外露醃料唔好揩到塊皮，焗既時候會燶，所以醃完肉可以抹一抹塊皮 用梳打粉溝醋梳打粉受酸性會產生二氧化碳，可以令豬皮更鬆脆醋亦可以溶解部份豬皮組織，亦係令豬皮鬆脆既關鍵 係豬皮掃上溶液，可以掃幾層 然後係面灑上鹽鹽有助抽乾組織水份，令豬皮焗起上黎更易達至香脆效果 由佢雪一晚 刮走表面既鹽 落少少威士忌係豬皮上面。烈酒亦有醃鬆豬皮組織既效果然後就等塊肉係室溫攤到無咁凍，我地攤左2個鐘左右btw，好鍾意飲Talisker既海風滋味，10年當daily whisky飲，性價比好高 入焗爐，開上下加熱連風扇模式，180度40分鐘，再用230度30分鐘記住錫紙要覆蓋豬肉，避免水份蒸發 登鄧！靚！ 切返細返就食得！中英文詳細食譜Facebook: 小夫妻OvercookedIG: couple_overcookedContact Us
