相傳鄧肇堅爵士好鍾意去西苑酒家飲茶，仲鍾意去之前叫家僕先拎湯料去酒家，叫個邊煲定個老火湯先，而湯料入面除左有老雞螺頭個d基本野，仲梗會有聽落唔太搭八既蜜瓜，由於有種大家都有興趣揭開佢面紗既神秘感，西苑後來直程係菜單推出埋爵士湯，時至今日都係酒家一個受歡迎既湯水。關於爵士湯既典故同做法都有唔同版本，但我地最關心既係，蜜瓜煲湯係咩玩法？煲出黎係咩味道？今次就分享下我地既發現。先係度劇透：好好飲，好值得試！中英文詳細食譜花膠爵士湯 Sir’s Deluxe Soup 爵士湯基本上都係d老火湯既基本料，但就係煲湯既最後半個鐘加入埋蜜瓜蜜瓜同老火湯既味道相當夾，成個湯有種清新既幽香，而且有種果甜味，大人細路都會鍾意飲而d瓜煲完左之後會融入晒個湯，淨低只有瓜皮部份，食落味道有d似合掌瓜我地炒左個牛河配依個湯lol 材料有蜜瓜半個、雞一隻、豬骨、螺頭4隻(已浸泡一晚)、花膠一條(已發起)仲有一d我地純粹想清左存貨既料：瑤柱、果皮同猴頭菇 關於點樣發花膠，可以睇返我地整鮮奶燉花膠既煮食記錄 做下d事前功夫，將螺頭切片，浸一浸瑤柱、果皮同猴頭菇 浸開左既果皮要刮囊，基本動作 將湯料連幾片薑放入湯煲 我地同雞同豬骨跑活水。將佢地放入凍水，開細火 煲煲下d肉沫呀油呀就會跑出黎 洗返乾淨d料 將雞同豬骨都加入湯煲，加滿水，中大火煲佢半個鐘先，好快個湯就會變到白色 細火再煲佢2個鐘 依個時候可以將蜜瓜批皮，切塊 煲左2個半鐘既湯d油都浮晒上面，我地撇一撇油 然後就加入蜜瓜花膠，煲多佢半個鐘其實花膠應該剪開方便食，我地咁樣原條上純粹為打卡霸氣d lol 加鹽調味就完成喇！中英文詳細食譜Facebook: 小夫妻OvercookedIG: couple_overcookedContact Us
