疫情肆虐，唔想落街買餸，打開冰箱淨係見到包急凍雞翼，點搞？用埋雪櫃下層既生抽蠔油等醬料，整個豉油王雞翼就岩晒！簡單又好味，自己食唔覺頹，直程用埋黎宴客都仲得！今次我地會記錄埋點樣可以整到雞肉特別嫩滑既豉油王雞翼。中英文詳細食譜豉油王雞翼 豉油又甜又香，同雞翼甚至好多其他食物都好夾，而且做法相當簡單，豉油王雞翼簡直係偉大發明！而我地就鍾意個豉油王汁有少少辣，所以加左辣椒，添上左辣味既豉油王汁係提升左一個層次 清洗雞翼後解凍，浸水又得，好似我地咁用解凍板又得 用老抽為雞翼上一上色 準備料頭：薑片、蔥段同蒜碎 先中細火炒香料頭 加入少少紹酒，兜一兜勻 加入醬汁：生抽2湯匙、老抽3湯匙、蠔油1茶匙、適量水同冰糖，我地仲加入左少少辣椒 加入雞翼，由佢細火煮滾，然後熄火冚蓋焗10分鐘 翻轉雞翼，再細火煮滾多次，然後熄火冚蓋再焗10分鐘就完成！ 靚靚既豉油王雞翼注意我地因為用上鑄鐵鍋，保溫效果會好d，所以焗2次10分鐘就ok，用其他鑊既話要自己試下煮熟左未。我地依個煮雞翼既方法就可以減少雞翼受熱時間，係令到雞肉更軟糯多汁既秘訣！中英文詳細食譜Facebook: 小夫妻OvercookedIG: couple_overcookedContact Us
