去親中式飲宴，乾燒伊麵係走唔甩既菜式，通常唔會特別期待依味菜，但個陣蠔油mix伊麵既香味，食食下又幾好味的，而疫情時代，去飲宴少左，反而幾掛住乾燒伊麵。既然係咁，不如係屋企煮啦，睇完就知相當容易！中英文詳細食譜乾燒伊麵 乾燒伊麵係將醬香、麵香、菇香同韮黃香夾得天衣無縫既一味地道料理—而且好容易整！ 材料超簡單，一眼睇晒：伊麵(我地用左3餅細既)、草菇10粒左右、韮黃一紥 先將草菇同韮黃清洗，草菇切片，韮黃切段 煲滾水 伊麵逐底放入去淥一淥，稍稍變軟就可以撈起，放入筲箕晾水 中火炒香草菇 炒到軟身，加入少少紹興辟除草青味 拋兩下鑊就可以將材料混和，拋鑊好治癒 加水，250ml 加入醬料，蠔油2湯匙，生抽2茶匙，老抽2茶匙，糖半茶匙。但人人既麵量都唔同，所以記住要試味，唔夠味既儘量以蠔油補味 煮滾後加入所有伊麵 不斷撈佢，直至收汁，然後加入韮黃，拌勻就搞掂(韮黃係食佢個種半生熟既獨特香味，所以最後落，稍為煮一煮就ok)中英文詳細食譜Facebook: 小夫妻OvercookedIG: couple_overcookedContact Us
