出去一大班朋友食飯，叫返隻雞黎食係走唔甩，依個可以話係香港人既飲食傳統。自己學識點係屋企都煮到隻好雞都係每個鍾意宴請朋友返屋企食飯既必修課題，今次我地就分享我地整薑蔥霸王雞既經驗，一味成日係小菜館會食既菜式，係屋企其實都好易整架咋!薑蔥霸王雞 薑蔥霸王雞係客家名菜，其實即係蔥油白切雞，而薑蔥係廣東菜系人人愛既家常味道，同啖啖肉既雞相當夾，面且賣相得體，用黎招呼朋友好快就會成碟得返骨了 啖啖肉又有香濃既薑蔥味，好正既薑蔥霸王雞! 材料有一隻雞(清洗好)，一塊薑同大量蔥，仲有蠔油同紹興 我地準備雞既醃料先，先將部份薑蔥切段再稍為拍爛 薑蔥撈埋適量既鹽 然後就將佢地塞落雞腔 再係表面塗抹適量鹽成個醃既過程要考慮埋鹽稍後會同醬汁混和，所以注意份量唔洗太多 由佢醃起碼一個鐘 將鍋放入蒸爐，100度蒸45分鐘我地今次就用最傳統既蒸法，煮雞仲可以用到唔同既方法，例如無水蒸同慢煮，我地有機會都會試下，再同大家分享 蒸緊雞既時候可以切定大量蔥絲同埋薑絲今次D薑切左薑米，不過都係切絲效果好似好D 隻雞蒸好喇! 可以先將佢拎開 雞攤涼後，就可以斬雞，鋪上薑同蔥，已經係薑蔥霸王雞既模樣下次會分享下我地斬雞既方法 淨低既雞汁，我地隔一隔走d油先，想膽固醇爆表都可以選擇唔隔油隔完油就可以加糖、蠔油同紹酒調調味了 淋上調好味既雞汁，淋係周圍就可，唔好淋上蔥度 燒好滾油，淋上蔥面，完成！ 宴客精選－薑蔥霸王雞，好睇又好食！中英文詳細食譜_____________________________________________________Facebook: 小夫妻OvercookedIG: couple_overcookedWebsite: www.coupleovercooked.com
