最近生活如意嗎?如果你同我地一樣都覺得唔開心既事好似多過開心既事,不妨學下整甜品氹氹自己開心。今次同大家介紹蘋果批既做法,酥皮香脆鬆化,蘋果酸甜鮮味,係飯後甜品好推介。簡單如蘋果批,都需要有心人悉心記錄,寫成食譜先可以讓更多人分享到箇中既下廚喜悅。從今以後或者林林種種既資訊都要更多靠大家努力學習、分享同承傳落去,困難可能會更多,但,challenge accepted,因為我地係香港人,最叻就係係狹縫中靈活咁創造出自己既天地!生活有d苦既話,試試自己落d糖,大家加油!蘋果批 係快餐店個種味道既蘋果批,不過係更好味既版本,香脆可口,果味新鮮 蘋果係新鮮,有活力既味道,配上玉桂粉既香氣,餡料都非常好味道 材料有蘋果、急凍酥皮、檸檬、雞蛋、蜜糖、牛油同玉桂粉 首先將蘋果去皮,切細,加入少少檸檬汁防止蘋果氧化 開中火,落少少牛油起鑊,加入蘋果 至蘋果稍為變深色,加入少少玉桂粉炒多一陣就ok 將蘋果放係碗,等攤涼後加入蜜糖(太熱時落蜜糖會變酸) 將蘋果鋪係酥皮上我地既急凍酥皮係一大塊厚厚的,將佢解凍後,切一塊出黎再搓成圖中既形狀如果你搵到薄身既酥皮就可以慳返唔少功夫 包好餡料,將多餘酥皮切走,用叉壓實三邊封口,但唔好壓太實,如果唔係酥皮會發唔起 係批面𠝹幾條痕,令餡料既水蒸氣可以得以疏導 鋪係焗盤同牛油紙上,塗上蛋黃汁 焗爐預熱200度,將蘋果批放入焗15分鐘就完成喇! 食完甜品為自己打完氣,繼續好好生活落去。守住記憶,對抗遺忘。中英文詳細食譜Facebook: 小夫妻OvercookedIG: couple_overcookedWebsite: www.coupleovercooked.com