鹽水雞係去到台灣一定要食既街頭小食，由於太耐無去過旅行，對異地食物心癮已到不能自拔既地步，所以決定上網自學係屋企整鹽水雞去頂頂癮，咦，原來非常易整架咋喎！台式鹽水雞 台式鹽水雞簡單咁用鹽水同中式香料浸雞去帶出雞既鮮香味道，配以食客個人鍾意既配料(我地今次用左青瓜、雞脾菇同芋絲)，係簡單直接又令人滿足既美味 街頭小食鹽水雞擺身一變成家常美食，毫無違和感 材料有雞脾扒(兩塊)、薑(一片)、蒜(三瓣)、蔥、花椒(一湯匙)、八角(兩粒)、香葉(三片)、辣椒(一條)、米酒、五香粉、雞粉同玉桂粉配料我地揀左青瓜、雞脾菇同芋絲 用一匙五香粉，半匙鹽，半匙雞粉同少少米酒醃兩塊雞扒一個鐘 清洗好八角、花椒同香葉 將花椒、八角、香葉、蔥段、米酒(兩湯匙)放入一鍋水，煲滾 放雞，開住蓋細火煮8分鐘 冚蓋焗佢15分鐘 將雞扒拎出，浸落冰水令佢口感更彈牙 撈起湯料 將薑同蒜琢成蓉，辣椒切碎，蔥切成花，配料備好 將芋絲同雞脾菇放入湯烚熟 雞扒攤凍後剪細 將雞同配料連同薑蔥蒜辣椒，連同一茶匙玉桂粉撈勻 倒上少少湯，完成喇！中英文詳細食譜_____________________________________________________Facebook: 小夫妻OvercookedIG: couple_overcookedWebsite: www.coupleovercooked.com
