要數到我最喜愛的家庭麻辣菜式,辣酒乜乜乜一定係首選,食落口有酒香又有少少甜味,配搭埋海鮮既鮮味,非常開胃,而且好容易煮。依個辣酒汁配搭蜆或蝦都得,我地仲試過辣酒煮蠔仔,用黎送飯簡直一流!今次先介紹比較大路既辣酒花螺,下次就試下煮啦,無介紹錯架!辣酒花螺 顏色鮮艷,酒香四溢,麻辣過癮,辣酒花螺絕對體現到色香味俱全 街市買螺比較common會見到東風螺同花螺,今次買既花螺係較細粒,食落肉質較嫩滑同鮮味,簡單黎講就係好食d,當然價錢都貴d,今次兩個人食買左半斤,60蚊 除左半斤花螺,材料仲有蔥、蒜(3瓣)、乾蔥1粒、薑一片、辣椒乾幾條、花椒1湯匙、八角2粒、豆瓣醬、雞湯、蠔油、紹興 備料先,花螺略略沖洗後,用鹽水浸一個鐘,咁樣可以有助浸走螺上既潺切蔥花,剩下部份切段拍薑拍蒜沖一沖花椒八角辣椒乾 花螺汆水,煮佢3分鐘左右 就算沖完浸完,汆水後仍然有浮沫浸到出黎撈起花螺備用 開始煮辣酒花螺!花椒八角細火白鑊烘至出味 加油,然後加蔥薑蒜爆香 加入一茶匙豆瓣醬爆一爆香,再加少少蠔油 加100ml左右既紹興,然後加適量雞湯 加半茶匙糖,然後由於醬料份量都唔太精準,所以都要係依個時候試味同調味 加入花螺,煮多3分鐘 加入埋辣椒乾就得喇由於放辣椒乾都係主要為裝飾,所以唔太洗煮到佢出味 正!中英文詳細食譜_____________________________________________________Facebook: 小夫妻OvercookedIG: couple_overcookedWebsite: www.coupleovercooked.com