我地兩公婆都係韓迷,自從無得出埠之後,一直都好掛住韓國,尤其係當地既食物,好多野都無辦法自己係屋企煮到(例如醬油蟹、生牛肉同燒鰻魚),所以一d簡單d既菜式,好似今次介紹既韓式紫菜飯捲,就間中都會整下黎慰解一下「思鄉」之情。韓式紫菜飯捲 Kimbap 相比起日本壽司,韓式紫菜飯捲既用料同賣相都樸實無華d,佢絕對唔係d咩高級鮮味,但反而係個種平實既美味,令人成日都想食,而且有種家座溫暖既感覺紫菜飯捲配搭泡菜豆腐鍋,一絕! 去親韓國,早餐都會搵間最地道既街邊小店,最鍾意就係叫條紫菜飯捲黎食(而最鍾意既口味係泡菜芝士味),每次都要搵個可以睇到韓國姨姨包紫菜飯捲既位置黎坐,因為每次睇到超熟練既包紫菜飯捲手法都會覺得相當讚歎。好鍾意求其咁去一間김밥 천국 (紫菜飯捲天國)既分店食紫菜飯捲,相中既食物就係攝自依間餐廳,其實無乜特別,無論裝修同食物賣相都好簡陋,不過就係依種樸實無華既地道風味先咁引人入勝。後來同韓國人傾開計,原來김밥 천국本身只係黎自一間母公司,不過做得出名之後,佢又無申請到商標,所以係人都可以開間餐廳叫自己做김밥 천국,開下開下,依家已經成街都係唔同人開既김밥 천국,而我亦無考究係咪去緊正店,反正就係地道韓國人既風味LOL 言歸正傳,我地今次整既係非常基本版既紫菜飯捲,材料有白飯兩碗、蛋皮切條、醃蘿蔔、午餐肉條(已煎)、甘荀絲(已炒)、青瓜絲、紫菜同麻油,依度可以整到3條飯捲白飯要用1茶匙麻油同半茶匙鹽調味整紫菜飯捲比較麻煩既係要有耐性咁將食材都切成一條條 講講蛋皮點整,將蛋漿倒入煎pan用中細火煎到半凝固就慢慢捲起佢 整左個蛋捲就可以將佢切絲了 開始整喇,先將白飯薄薄一層咁鋪上紫菜上 再將食材鋪上 將佢捲起 捲至成條狀 後期我地發現捲成條狀後,再用壽司蓆稍稍壓實佢,出黎既紫菜飯捲會更成型,但唔洗壓太實 登凳 係紫菜表面抹上麻油 再切好佢就完成喇!中英文詳細食譜_____________________________________________________Facebook: 小夫妻OvercookedIG: couple_overcookedWebsite: www.coupleovercooked.com