我地兩公婆讀書時成日會去火炭食宵夜,例牌一定會食個度既馳名沙田雞粥。依家間中都會自己煮雞粥做lunch,一黎方便,二黎可以懷勉青春既味道。直至到最近睇杜汶澤既片,學左個方法可以簡單咁為雞粥味道升級,同大家分享下!綿滑沙田雞粥 Creamy Sha Tin Chicken Congee 自從用左杜生既沙田雞粥小技巧,我地煮雞粥既頻率就更高了 煲到雞肉嫩滑,d粥亦綿滑起花,原來當中有簡單既技巧,下面就同大家介紹! 材料好簡單:米(兩個人食左一嘜多少少)、惠康雞半隻同薑鍾意可以加埋幾粒瑤柱,先浸開佢 洗好米後加少少鹽同油撈勻 準備10倍米量既水(所以我地今次用左大概10嘜水),放雞件中火煲起至水略滾 隔一隔d肉沫,然後熄火冚蓋,焗15分鐘減少雞件係滾水既時間,就係令佢食起上黎仲係嫩滑既技巧 撈起雞件備用 米同瑤柱落入岩岩既煲雞水 中細火煲15分鐘後d粥已成型,不過仍未起花 依個時候就轉最細火,用打蛋器攪到d粥起花 攪大概5分鐘就ok 加返少少薑絲 落埋頭先d雞,煲返起佢,落鹽調味,食得! 好味!後記 Postwords嫌攪粥攪5分鐘唔夠方便?前一晚將米浸住,成碗放入冰格雪佢一晚,第二黎拎返出黎煲,佢亦自然會做到起花效果!中英文詳細食譜_____________________________________________________Facebook: 小夫妻OvercookedIG: couple_overcookedWebsite: www.coupleovercooked.com