早排有朋友問小夫妻Overcooked如果想煲d養生湯水俾生病既家人飲，有咩好介紹。做左少少資料搜集，知道野葛菜生魚湯有清熱解毒，消除腫痛，滋養活血既功效，似乎飲左身體會好d …中醫藥膳既野我地都係跟人嗡…而我地亦有一個私心想煲依個湯既原因，就係舊時中學既附近有間餃子店係專門用野葛菜生魚湯黎做餃子既湯底，佢個湯非比尋常地好味，我地都想係屋企自製返個種美味！野葛菜生魚湯 成功地將野葛菜生魚湯煲得濃濃白白，飲落去亦都幾好飲，不過同餃子店個種非比尋常既甘醇鮮美有距離，值得研究點樣可以煲出個個味道，今次就當係分享住基本既養生湯水煲法先！ 材料有野葛菜半磅、生魚、豬骨、蜜棗2粒、果皮2塊、薑野葛菜係街市既草藥鋪有得賣，每磅$30左右 野葛菜先切走根 再洗淨。佢好多沙，要洗幾次先可以徹底洗淨 豬骨跑活水 果皮浸開，刮囊 將豬骨、果皮、蜜棗放入煲 放入野葛菜，加水，中火煲滾佢 生魚要洗乾淨，基本上見到紅色既地方都要洗走佢 洗到咁樣就差唔多喇 生魚好多潺，要用滾水拖一拖 再用刀刮一刮，就可以清走身上既潺了 抹乾魚身 爆起幾塊薑，再放魚落鑊煎香兩邊 放魚入湯，繼續中火滾半個鐘 煲左半個鐘個湯已經變得香濃 轉細火煲多1個鐘就完成喇！詳細中英文食譜Facebook: 小夫妻OvercookedIG: couple_overcookedWebsite: www.coupleovercooked.com
