焗豬扒飯對香港人黎講係平平無奇，但細心d諗，依道快餐店名物一邊用中式炒飯底，一邊又用茄汁洋蔥芝士等西方食材，仲要加上西方人睇落九唔搭八既菠蘿，一碗飯入面，華洋雜處，靈活變通，你唔好理佢係邊個菜系，總之出到黎就係好食。依個唔就係被淡化又淡化既香港人精神嗎？ 好多力量都可以嘗試淡化香港人精神，但作為香港人，總可以選擇繼續擁抱自己既文化，並將精神傳承落去。各位，今日我地黎分享點煮焗豬扒飯！ 焗豬扒飯 焗豬飯相信係好多人既「我最喜愛快餐店菜式」之一。講真煮法係有d煩，但自己煮又真係好食好多嘅 材料有豬扒 2塊、蕃茄2個（切塊）、洋蔥半個（切條）、水 200ml、茄汁 5-6湯匙、菠蘿 2片（切塊）、芝士碎適量，仲有2隻蛋用黎炒飯 豬扒用刀背拍鬆，用豉油1湯匙、紹酒半湯匙、糖1茶匙、胡椒粉半茶匙、生粉1茶匙、少少油醃最少半個鐘 我地黎炒個飯底先，大火燒熱鑊落油(要多d油)，略為搖一搖個鑊令油溫平均，冒煙後熄火加入蛋汁 蛋半熟加入白飯 開番中小火慢慢將飯炒至粒粒分明同金黃色，下半茶匙鹽調味後放涼備用 豬扒沾上蛋汁，大火煎香兩面，放涼備用 炒香洋蔥，加入蕃茄炒至變軟 加入水、茄汁、糖、菠蘿，中小火煮10分鐘至醬汁變稠，唔夠濃稠可加生粉水。試味調整至自己喜歡嘅口味 鋪平飯，再鋪上切條嘅豬扒 平均倒入茄醬並灑上芝士 200度焗10-15分鐘，完成 醬汁酸甜，口感有啖啖肉有脆口菠蘿洋蔥，飯底又有蛋香，依個飯真係好好味 中英文詳細食譜 Facebook: 小夫妻Overcooked IG: couple_overcooked Website: www.coupleovercooked.com
