相信各位儲糧時,或者臨近糧尾,屋企都會入左好多杯麵。今晚返到屋企未食飯,屋企又淨係得杯麵,一於食完杯麵做主菜,再用左個湯黎整滑嘟嘟既窮JJ杯麵茶碗蒸,滿足程度唔差過食茶記宵夜外賣架 杯麵茶碗蒸 網上好多做法都係為方便所以用微波爐叮個蛋,不過我地為既係好食,所以用隔水蒸既方法,蒸出黎個蛋非常滑嘟嘟 依個係北海道味噌蝦味杯麵,岩晒用黎整日式既茶碗蒸 第一個步驟就係食左個杯麵去 我要食喇~Bon Appetit~ 喂,走開啦墨硯=.= 食完剩返個湯,一滴都唔洗倒,打隻蛋落去 然後攪勻佢 將蛋漿倒入碗,蓋上保鮮紙,大火隔水蒸10分鐘就得 一定要隔水蒸,咁就可以蒸到個蛋好滑溜,睇相都feel到有幾滑 又滑又好味,食完依個做宵夜訓都訓得香甜d 中英文詳細食譜 Facebook: 小夫妻Overcooked IG: couple_overcooked Website: www.coupleovercooked.com