以為小夫妻發左達所以煮花膠雞煲翅慶祝？其實我地煮既係雞煲素翅，仲要因為豬肉價格居高不下，連瘦肉都無買到，只係幾十蚊買隻雞，上hktv買包素翅，加埋少少金華火腿同娘家拎返黎既花膠，就煮左依個花膠雞煲翅。無乜好名貴既食材，不過我地就用小小既技巧去煮到雞煲翅超香濃，今篇就介紹下點煮！btw，各位發左達都唔好食真翅啦。中英文詳細食譜花膠雞煲翅 舀起既啖啖都係花膠同素翅，而雞湯底超濃郁美味，正！ 飲完一碗又一碗，依個湯用黎過時過節招呼朋友真係唔會失禮 材料有半隻雞、素翅數量隨意、花膠一條(已發起)、金華火腿隨意其實都應該加埋瘦肉令佢多d肉香，不過豬貴，無買到lol 花膠先拎出浸佢一晚 煲滾水，再將花膠、薑、蔥、少少紹酒放入，開火，冚蓋滾3分鐘，熄火，由佢焗至室溫，咁花膠就叫發好左了 雞跑活水，即係放入凍水，開細火，由佢煲至水滾，用以去除肉沫 將雞同金華火腿放入鍋，加2公升水，冚蓋，細火煲2個鐘 煲完出黎係咁，色水唔太濃郁中英文詳細食譜Facebook: 小夫妻OvercookedIG: couple_overcookedWebsite: www.coupleovercooked.com
