今篇講下放工煎牛扒，點樣可以係返到屋企到上菜只係30分鐘內完成既事。我地平時都鍾意用下唔同技巧，例如先慢煮牛扒再拎去煎，不過有時放得工黎都唔想搞咁多野，簡簡單單去超市買塊靚牛扒，直接就煎，配個即食沙律咁就係一個開心二人餐。今次會介紹下我地點用琺瑯鑄鐵鍋，直接煎塊5成熟既牛扒。30分鐘5成熟煎牛扒 煎一塊焦脆可口既西冷，配個凱撤沙律，簡單晚餐犒勞一日既辛勞工作 粉嫩粉嫩既肉肉 牛扒買到返屋企，先用鹽同黑椒粉醃10分鐘，依個時候出去換返居家服同埋添貓糧 鑄鐵鍋大火燒30秒，落油，燒至出煙，然後熄火 落晒兩塊扒，開返細火，由佢煎2分鐘 翻轉，再煎2分鐘，牛扒已經煎到有焦脆感 落1湯匙牛油，將熔左既牛油勺起淋上牛扒，整個過程用一分鐘完成 熄火，用1分鐘時間俾鑄鐵鍋既餘溫令牛扒質地變得更軟腍，成個備餐同煎牛扒既過程唔洗30分鐘，輕鬆！中英文詳細食譜Facebook: 小夫妻OvercookedIG: couple_overcookedWebsite: www.coupleovercooked.com
